رأيكم بهالمبروكه يالربع

السلام عليكم ورحمة الله وبركاته
اولاً: يسعدني الانضمام لهذا المنتدى العريق واتشرف بوجودي معكم
ثانياً: رايكم ياأهل النظر في هالحواره وهذي الصوره وعمرها اسبوعين
ثالثاً: استفسار أمها يالربع فاطر وقالو لي ان حليبها مايفيدها ولازم نضيرها ورحت للبيطري واخذت لها فيتامينات البيوفوس وقلت نجرب ونشوف اذا زادت والا ضيرنها وانتم يااهل العرف
رايكم ومشورتكم لاهنتو واعذروني علي الاطاله

رد: رأيكم بهالمبروكه يالربع

[type=979275]
ماشالله تبارك الرحمن
هلابك ياعايض انا ماني مطول معك بكثر الكلام البكره مزيونه الله يبارك لك بها اما من ناحيت التضير ان كان ديد امها سلم ويغذيها مايحتاج
ون كانه لاوالله
الا توكل على الله وضير
[/type]

رد: رأيكم بهالمبروكه يالربع

أولاً / الله يحييك ونفخر بإنظمام مثلك وشرواك .
ثانياً / الحواره المجهم الاصيلـه .. السداه الطيبه والعمر الطيّب والراس الزين والرقبه الحلوا .
وياذكر الله عليهااا ( كايفـــــــــــــه ) لو سلمت من ( القبوع )
...
ثالثاً : الفاطر كان ديدها سلم .. وهي سليمه من الامراض .. وحليبها يكفي بنتها
فـ اكرم الفاطر حيثها تستاهل .. واره عليها الطعام بعد ماتعطيها شراب الدود والفيتامينات اللازمه.. وبإذن الله تشوف مايسرك .
وان كان حليبها يقصر عن بنتهاا .. وحالها يرتدي .. وامورها مصلّحه ..
فـ اسحب الحواره من حدرها ودوّر لها ضيار .
واكرم الناقـه .. وعالجها اربك تستفيد من بطنهاا بحوارةً من ذي واطيب بإذن الله
..
وسلامتك

رد: رأيكم بهالمبروكه يالربع

الحواااااااااارة طيبة بوجه عاااااااااااااام
الله يبارك لك فيها

رد: رأيكم بهالمبروكه يالربع

ماشالله تبارك الرحمن

رد: رأيكم بهالمبروكه يالربع

ما شاء الله تبارك الرحمن
الحوراه طيبه يا راعيها

رد: رأيكم بهالمبروكه يالربع

الحوارة طيبة الله يبارك فيها ويبعدها من الامراض

رد: رأيكم بهالمبروكه يالربع

[type=979275]

ماشالله تبارك الرحمن
هلابك ياعايض انا ماني مطول معك بكثر الكلام البكره مزيونه الله يبارك لك بها اما من ناحيت التضير ان كان ديد امها سلم ويغذيها مايحتاج
ون كانه لاوالله
الا توكل على الله وضير

[/type]

الله يبارك فيك ولاهنت يالغالي

رد: رأيكم بهالمبروكه يالربع

أولاً / الله يحييك ونفخر بإنظمام مثلك وشرواك .
ثانياً / الحواره المجهم الاصيلـه .. السداه الطيبه والعمر الطيّب والراس الزين والرقبه الحلوا .
وياذكر الله عليهااا ( كايفـــــــــــــه ) لو سلمت من ( القبوع )
...
ثالثاً : الفاطر كان ديدها سلم .. وهي سليمه من الامراض .. وحليبها يكفي بنتها
فـ اكرم الفاطر حيثها تستاهل .. واره عليها الطعام بعد ماتعطيها شراب الدود والفيتامينات اللازمه.. وبإذن الله تشوف مايسرك .
وان كان حليبها يقصر عن بنتهاا .. وحالها يرتدي .. وامورها مصلّحه ..
فـ اسحب الحواره من حدرها ودوّر لها ضيار .
واكرم الناقـه .. وعالجها اربك تستفيد من بطنهاا بحوارةً من ذي واطيب بإذن الله
..
وسلامتك

شرواك الطيب والفخر لي وأبشرك الحواره في زود وكل مالها تزين وراح انزل لها مقطع فيديو ومالنا غنا عن نظرتك ياذيبان
وشكراً على مرورك يالغالي ؛؛؛

رد: رأيكم بهالمبروكه يالربع

الحواااااااااارة طيبة بوجه عاااااااااااااام
الله يبارك لك فيها

وأنت أطيب ولاهنت على مرورك

رد: رأيكم بهالمبروكه يالربع


مشعل الميزاني، بندر الراوي، حمد بن عيران
الله يبارك فيكم ولاهنتو على مروركم وابداء ارائكم يالغالين

رد: رأيكم بهالمبروكه يالربع

ألبكره طيبه بكرة بداوه

الله يبارك لك فيها

ان كان ديد امها زين وحليبها زين ووافر خلها على حليب امها وانتبه لايكثر عليها يضرها

لين يجي عمرها شهر ونص ولا حوله

رد: رأيكم بهالمبروكه يالربع

هذا تصوير حديث لها وعمرها شهر واسبوع

ورايكم يالربع

http://www.youtube.com/embed/otm_0I5N240

http://www.youtube.com/embed/RmXUexVo8OA

http://www.youtube.com/embed/gyFRO1zvt5o

رد: رأيكم بهالمبروكه يالربع

ماشاء الله تبارك الله
ارسلت رايي عليـك .
والله يبارك لك

رد: رأيكم بهالمبروكه يالربع

الحواره حلوه لكن لوصغرة القله شوي كان ياسلام