ياهل الشديد والخبره

السلام عليكم ورحمة الله وبركاته
اخواني اعضاء المنتدى الشامخ
عندي بعيرين وودي اشد وش الطريقه بالفحول اسوقها مع البل ولا احمل واحد واسوق واحد
اول مره تمر علي وقلت ماخاب من استشار

رد: ياهل الشديد والخبره

مرحبا الاخ عبد العزيز يالله انك تحييه الامر هين انشالله الاتشبل البعير وانا اخوك توجعه
ولاتشد بالبل كلها سوى فك حدا الفحول مع القحات
وخل اللي معك يسوقونها وليامنها اتقت عنك ابوساعه فك انت الفحل الثاني مع الخلفات وسوقوها وامر الله من سعه
وهذا اللي حنا نسويه ليامنا بغينا نشد

رد: ياهل الشديد والخبره

الاخ عبدالعزيز
بعد التحية افضل شيلة البعير الثاني بالدنة اول شي يرتاح بالك وثاني شي بتواجهة بعارين وانت شاد
وهذي وجهة نظري

رد: ياهل الشديد والخبره

لا تشيل هم يا سميي


شف اذا واحد منهن هرش وتخاف ع الثاني منه


لا يمشي الهرش الى بالقيد واذا يمكن وسعه شوي وخل يد ورجل
والثاني فكه خله طلق وخل بينهن مسافه خلو الصغير قدام والهرش خلف مع الرحول والخلفات

رد: ياهل الشديد والخبره

مع الأخ عبدالعزيزالفضلي شي مجرب عندي فحلين واحد أفكه مع البل وواحد مهجورأو مقيد وخله بطرف البل وخلك معه