رايكم في البكره

السلام عليكم ورحمه الله وبركاته

يا الربع ابا شوركم ورايكم في البكره المجهم ياللي بعرضها عليكم .. وهل هالبكره تصلح للمزاينه ولا لا .. سنها فطيم السنه هذي .. مولوده بنص شهر عشره ...اول الموسم والبكره جرمها ما شاء الله اكبر من سنها ..


رايكم هل ازاين بها ولا اربيها وسط الحلال .. تراه على شوركم ببني رائيي ... وعلى فكره .. اول ما طاحت البكره .. شينه حيل .. وكل ما تكبر تزين اكثر .. وخواتها من الفحل غاويات حيل ما شاء الله .. وللاسف الفحل مات السنه ... على العموم ..ا لله يعوض راعيه اخير منه ..

رد: رايكم في البكره

[ALIGN=CENTER][TABLE1="width:95%;"][CELL="filter:;"][ALIGN=center]
مرحبا ينقل للقسم المختص ,,,

الاسئلة والاستشارات ,,,
[/ALIGN][/CELL][/TABLE1][/ALIGN]

رد: رايكم في البكره

الظاهر انك مبعدن الزعل من الاجابه على طلبك
لاني اشوف ان البكره هذي الى حد الان ما فيها زين ينطح المزاين
كانك واثق من انتاج ابوها وتعرف ان خواتها طيبات اصبر عليها وطول بالك بالحيل يمكن تعدل لاجت حقه او لقيه او اكبر من كذا او اصغر
وان كنت متعلق بالامل استخر وشوف وش يقسم لك الله

رد: رايكم في البكره

السلام عليكم ورحمة الله وبركاتة
اخوي انت تبي الشور الذي ينفعك بعيد عن المجاملة البكرة الله يخليها لك اولا والبكرة في الوقت الحالية بكرة مقنوي وليس صوب المزاينات \
وتقبل مروري

رد: رايكم في البكره

اررحب يامبارك
الله يبارك لك ويمنحك منها , البكره ماهيب بكرة شبك ولاهيب حول المزاين يابومحمد ولافيها شي يميزها ويجذبك لها إلا اذنيها
وبشكل عام البكرة عاااديه ولاهيب ردية بالحيل
لكن يامبارك هل امها سودانية؟
اخيرا الله يكتب لك الصالح يامبارك

رد: رايكم في البكره

يابومحمـد ..
الله يحييك ويبارك لك فيما تملـك .
الشور ذمه وانا اخوك .
والبكره لاتصلح مزاين ولاتصلح مقنوي من خلال هالصور !
ورايي اصبر عليها لين تكبر ونقول بتطلع مقنوي ان كان اصلهاا لحوق .
ومثل ماقال حزام .. امها او ابيها سوداني .
..

رد: رايكم في البكره

وعليكم السلام ورحمة الله وبركاته
يابومحمد أنا لست حريصاً على تقيم الحلال والله ماودي اذكر وجهة نضري بالبكره
لكن الدين النصيحه
ومن وجهة نضري البكره هذي والعلم عند الله لوعاشت سنين ماراح تاصل حد المزاين
ولا راح تطلع ابدا واذا تبيني ابين لك عيبها ارسلي على الخاص
دمت بصحه وعافيه
ورزقك الله بأطيب منها

رد: رايكم في البكره

انحش البكره لاتصلح للمزاين قطعين
لانهامترتقي لمستوى المزاينات ابدن

رد: رايكم في البكره

الله يعوضك بالطيبه اللي تزايين بها

رد: رايكم في البكره

الله يعوضك بأزين منها أن شاء الله أنت طلبت الراي البكره عاديه

رد: رايكم في البكره

وعليكم السلام ورحمه الله وبركاته
أخ مبارك بكره المزاين أو ناقه المزاين صعبه جدا
بكرتك في نظري أقل من مقنوي والله يرزقك

رد: رايكم في البكره

عااااااديه

رد: رايكم في البكره

والبكره لاتصلح مزاين ولاتصلح مقنوي من خلال هالصور !

+ 1

رد: رايكم في البكره

للتذكير يا أخوااااااااااااااان

ولكن في ملاحظه بسيطه لاحظتها في ردود بعض الاخوه ولا نشك ان شاء في حسن نيتهم
وهي انه اذا طلب احد الاخوان الراي في حلاله .تجيه بعض الردود جارحه شوي
مثلا قعودك ماله الا السوق الفلاني او دق على اللي يقصبون الحشو
ومن هذا القبيل وكما تعرفون ان الناس كلها حلالها عندها غالي وتحبه وشاريته بمبالغ غاليه
وجيها واحد يعذرب في حلالها ويقول اقصبه او انه ما يسوى الف ريال
يعني يقدر من يبدي رايه ان يوصل رايه بدون تجريح وبدون انه يغلط على راعي الحلال

مقتبس من موضوع
أصول الرد على من يطلب الراي في حلاله
لأخونا عبدالله بن مطلق المزحمي
http://www.mzayan.com/vb/showthread.php?t=7655

رد: رايكم في البكره

[glow=003399]

انحش البكره لاتصلح للمزاين قطعين
لانهامترتقي لمستوى المزاينات ابدن

الاخ مبارك البكره فيها سر سوداني
[/glow]