رايكم فالبعير الاصفر

السلام عليكم ورحمة الله وبركاته

يقولون الرجال ماخاب من استشار

وانا ابستشيركم ياهل العرف في هالبعير

وش الملاحظات عليه ؟؟ وبكم تقيمونه ؟؟

سنه رباع ،، واصله طيب
والله يعطيكم العافيه

رد: رايكم فالبعير الاصفر

ماشاء الله تبارك الله طيب وتستاهل الطيب والله يطرحلك البركه

رد: رايكم فالبعير الاصفر

مرحبا ياتركي

الله يجزاك خير

لكن ماكملت جوابك

كم يسوى البعير بنظرك ؟؟

رد: رايكم فالبعير الاصفر

وش ساسه طال عمرك

رد: رايكم فالبعير الاصفر

ابوه معدي بعير الفريحي

وامه من ابل الفريحي

رد: رايكم فالبعير الاصفر

اهم شي الساس والقيمه ما اقدراحددلك القيمه والله يجيب الي فيه خير

رد: رايكم فالبعير الاصفر

وعليكم السلام .
مرحبابك اخوي مشاري
البعير طيب والساس طيب
الله يرزقك منه الانتاج الطيب

رد: رايكم فالبعير الاصفر

مشاء الله عليه طيب يامشاري وانت اطيب
والبعير اصله طيب ومعروف عند اهل الصفر
واهم شي انتاج البعير هو اللي يحدد قيمته
اذا كان انتاجه امزاين وعسى لله يرزقك بالخير
يسوى مليون ريال او اكثر
واذا كان انتاجه عادي يسوى ثلاثين الف
هذا وجهت نظري وفيه رياجيل اعرف مني موجودين

رد: رايكم فالبعير الاصفر

[frame="1 98"]

من وجهت نضري يااخ مشاري
اشوف انه فوق العادي بشي بسيط
ولا فيه شي يلفت النضر
هذي وجهت نضري وارجو انك تقبلها بصدر رحب

[/frame]

رد: رايكم فالبعير الاصفر

الله يبيض وجيهكم جميع

تحياتي وتقديري لكم

رد: رايكم فالبعير الاصفر

الله يبارك لك فيه يامشاري
العظم زين والتسناد زين والعرقوب متنكس وزين
فيه ملاحظه في الظهر ومطلع الرقبة وتصاغر راسه وتقاصر مشاربه
اما من ناحية الاصل مافي الهرج فايده كفوووو
وبالنسبة للقيمه يحددها الانتاج
الله يرزقك منه مايسرك