استشاره للمفرود ولكم جزيل الشكر

اعظئ وزوار منتدي مزاين الكرام
السلام عليكم ورحمة الله وبركاته
استشاره في زين المفرودهل ينتفحل
امه مشاركه في الثلاثين وضح
ومن جهت الاب من سلالة تمام
ولكم جزيل الشكر

...

.....

رد: استشاره للمفرود ولكم جزيل الشكر

من ناحية القعود طيب ويتفحل وملاحظتي عليه قصر المشرب

ولي تحفظ على سن القعود فبين ان القعود لقي واشوف صن القعود على رقبته تحت المعذر

رد: استشاره للمفرود ولكم جزيل الشكر

[frame="3 98"]

ماشاءالله عليه اشهد بالله انه يتفحل
مايحتاج هاد عمره الله يبارك لك فيه
ولو انه عندي ماششاورت احد فيه
كبر راس وعرض خد وزين عرنون وزين رثمه
وطول رقبه والغارب بحر والسنام منفهق
وزود على هذا محشم من توالي ابوه وامه
مايعذرب فيه احد ياالمغيري
ملاحضه ان كان القعود مفرود فانه داهيه
وانا اتوقع انه ماهو مفرود
معذر القعود مبين هياجه
[/frame]

رد: استشاره للمفرود ولكم جزيل الشكر

الله يبيض اوجيهكم
القعود يدخل حق الصيف
صيفي

رد: استشاره للمفرود ولكم جزيل الشكر

الله يرزقك منه الانتاج الطيب
القعود ما يحتاج فحل وكفو
الساس طيب والشكل طيب وش عاد تبي
فحله ولا تشاور

رد: استشاره للمفرود ولكم جزيل الشكر

والله ياولد العم القعود طيب كل وصفه

بس مثل ماقالو قصر المشرب ولا العرنون طيب

الله يباركلك

رد: استشاره للمفرود ولكم جزيل الشكر



سبق واني شفت صورة القعود فالموقـع قبل فتـره بس ما ادري وين بالضبـط ؟!

القعود طيب . والصوره غير واضحه . صورة شريطي يالمغيري ماهي صورة من ياخذ الراي !

ياليت تصور القعود عدة صور مختلفه وابشر بمن يعطيك الراي .

رد: استشاره للمفرود ولكم جزيل الشكر

القعود طيب الله يبارك لك فيه

رد: استشاره للمفرود ولكم جزيل الشكر

خالد الفالح ثامر فايز يعقوب الروقي فايزالمغيري مشعل البقاوي سعود الغبيوي
مشكورين وبيض الله وجيهكم علا مشاركتكم في الاستشاره وهاداء من عوايدكم الطيب
الله لايهينكم الله يحفظكم ويرعاكم

رد: استشاره للمفرود ولكم جزيل الشكر

ارحب ياالمغيري
ماشاء الله تبارك الرحمن
القعود كفووو ويتفحل بإذن الله
فيه ملاحظه : تقاصر مشربه وتكابر أذنه شوي
الله يبارك لك فيه

رد: استشاره للمفرود ولكم جزيل الشكر

مشكور علامرورك ياولد الشايب ابيض وجه

رد: استشاره للمفرود ولكم جزيل الشكر

فحل مشاء الله

رد: استشاره للمفرود ولكم جزيل الشكر

مشكور يا بدر ابيض وجه

رد: استشاره للمفرود ولكم جزيل الشكر

ما شاء الله عليه فحل
الله يبارك لك

رد: استشاره للمفرود ولكم جزيل الشكر

القعود طيب الله يستر عليه ويباركلك فيه
مير اصبر عليه تري بيزين باذن الله والمشارب بتجي
بس سن القعود بين مهو مفرود بالنسبة لاصنه