نريد حقيقة هذا القعود !!

اخوي فيصل تكفى عطنا صور جديده للقعود ووشلون انتاجه ووين مكانه وهل الضراب مسموح

الاختلاف مازال قائم ياليت تفيدون يااخوان

السلام عليكم

انا هنا ماشكك في احد لاكن نريد الوصول الى الحقيقه

ولعل بعض الاخوان التبس عليهم الامر

من وجهة نظري ان القعود في الصوره المشهوره غاربه ممتاز

اما في صورة اخونا العصيمي غاربه رديء

وكذلك اخونا السبيعي مانزل صور جديده

فالامر مازال معلق

وآخر ماوصلني من جوال الابل
ان مالك القعود هو

منصور بن سعود بن دهيمان العزة السبيعي

ولعل الاخ منصور يرد علينا ويجيب صور القعود اللي عنده

وبعدين اكيد راعي القعود عارف مراح ابله اللي تم التصوير فيه

يعني هناك حلقه مفقوده وفي شخص منهم التبس عليه الموضوع او انه يكذب؟؟؟؟؟؟

السلام عليكم ..

حسب علمي .. ان البعير موجود في القريه العليا .. عند واحد عصيمي ولا يحضرني اسمه ..

والبعير مشري مفرود من حـدر أمـه .. بـ 600.000


وابـو البعيـر تمـآم ..


وانا عمي ماله كم شهر مضرب من عند البعير ..

هذا اللي عندي وحبيت افيدكم فيه ..


بس العلم الاكيد ان البعير عند عصيمي ..

الله يبارك لراعيه فيه
¥¥¥¥¥¥¥¥¥¥¥¥¥¥

الله يبارك لراعيه فيه

الله يبارك لراعيه فيه ويرزقة منه

هذا القعود كثر عليه الكلام

والله العالم

تحياتي

الله يبارك لراعية كائن من كان

لكن انا اعتقد والله اعلم ان الصورة غير صحيحة وملعوب فيها


ولو ركزتوا في البكرة الوضحى في الخلف لوجدتوا ايدينها

متداخلة مع شبك الحاجز بطريقة غريبة واقرب مايكون ان الصورة


مركبة تركيب من مصمم شبة محترف من أجل استخدامها !!


لكن حظة العاثر جعله يستخدم صورة المراح واللوري " العايدي "


كخلفية لصورة المركبة واللوري معروف انه ل منصور بن دهيمان

وحدث اللبس الى تشفونه !!

وانا اقصد بمركبة اي ان المراح واللوري والرحول المجهم والبكرة الوضحى في الخلف

صورة صحيحة و القعود وراسة ورقبته والشبك صورة مضافة للاصل

بطريقة احترافية !!

وتحليلي قابل لصح والخطاء وعلى الله الاتكال

وهو اعلم

الله يبارك به لراعيه والمسلمين
انا اتوقع ان الصور ه هذي خدمته كثير والا قعود بهذا
الزين لابد يعرف وتكثر صوره ويدخل بمزاين

كلنا نريد معرفة اصل هالقعود اللي يعرف ومتأكد لايبخل علينا

جزاه الله خير

ومازلنا في إنتظار الحقيقه الغائبه

السلام عليكم ورحمة الله

الحقيقه انا قبيلة عتيبه ولا تهون جميع القبائل تملك اطيب من هالفحل بكثير لمن شك في ملكيته

ولنا في الفحل مردود ميثاق

الأخ عبدالرحمن بن عبدالعزيز

موضوع مميز جداً

والحقيقة القعود جميل وسر الاهتمام يكمن في الصورة وطريقة التصوير

أما بخصوص مواصفات الجمال فهناك ماهو أكمل جمالاً من هذا القعود قعود الطهيمي وقعود بن مجيهير وقعود اخر من انتاج هياف
هن أجمل مارأت عيني .

وعسى الله يطرح البركة لراعيه فيه