رايكم في المفرود المجهم .. يفحل والا مايفحل

السلام عليكم ورحمة الله وبركاته


ابغا رايكم في القعود المفرود بارك الله فيكم

القعود كل من شافه قال فحل وانتظر عليه

واتمنى من اللي يبدي رايه يقول ايش الزين فيه وايش عيوبه

اما بالنسبه لأمه ناقه فوق البداوه سعرها من 20,000 وحول

وابوه عليه 400,000


والقعود اخذ من امه الشي الكثير

واترككم مع الصوره

رد: رايكم في المفرود المجهم .. يفحل والا مايفحل

الله يرزقك باطيب منه مايصلح فحل

رد: رايكم في المفرود المجهم .. يفحل والا مايفحل

مرحبا ياالعضياني من وجهت نضري انه ماينتفحل
انا اشوفه انه اقل من العادي
ولا تعب نفسك فيه لان ( الهقاوي ماهي بالمناوي)
وانا اخوك
ومن ناحيه انك تقول اذكرو الزين والشين اللي فيه
اشوف ان مافيه شي زين عشان اذكره
الراس صغير 0العرنون ماش ماله رثمه ولا سبال
الرقبه قصيره وعنجا 0ماله شقه ولا جنب
العضم دقاق هذي
مواطيه صغار
هذي وجهت نضري وارجو منك انك تقبلها بصدر
رحب
واسال المولى انه يرزقك بواحد يعوضك عنه اللي يسوقون له البدوان ابلهم من كثر زينه

رد: رايكم في المفرود المجهم .. يفحل والا مايفحل

الله يرزقك ببرك منه في ناظري مايصلح فحل

رد: رايكم في المفرود المجهم .. يفحل والا مايفحل

ارحب يافهد تراحيب المطر
والله ياخوك القعود من خلال الصوره مايصلح فحل
الملاحظات فيه واجد ,راسه عادي ماعدا غضروف خشمه مااقول طيب لكن ماهوب شين
الرقبه قصيره وباقي مافيه عادي
الله يرزقك ياالعضياني بالبعير النادر

رد: رايكم في المفرود المجهم .. يفحل والا مايفحل

الله يرزقك ببرك منه

رد: رايكم في المفرود المجهم .. يفحل والا مايفحل

ماازود على كلام الاخوان شي
بس اذا تدور لك فحل فبحث عن اللي تهقوى فيه خير ويعمر ابلك مستقبلاً
والله يرزقك من اوسع ابوابه

رد: رايكم في المفرود المجهم .. يفحل والا مايفحل

الله يرزقك من واسع فضله يافهد
والقعود مابه زين يذكر
وانا اقول دور لك من العضيان اصحاب النوادر المجاهيم
مثل : مرزوق جزاء العضياني ,,
واشتر منه فحل يعمر لك البل وهو عانه شرق من النير
وانا اعرف صاحب البل زين كان تبي منه شئ ابشر بتضرب والا بتشتري
وشكرآ
.
.
.
وهذا الرابط للفحل وانتاجه :

http://www.mzayan.com/vb/showthread.php?t=46592

رد: رايكم في المفرود المجهم .. يفحل والا مايفحل

الله يرزقك بازين وابرك منه

ماريت ما يشفع له الا درثومه مهوب شين بسسس

رد: رايكم في المفرود المجهم .. يفحل والا مايفحل

كل مامنه ردي ..
الله يرزقك باطيب منه يافهد

رد: رايكم في المفرود المجهم .. يفحل والا مايفحل

مايختلف عليه اثنين يافهـد ..
اقل من عادي .. ولافيه اي ميزه تشفع له بدون اسهاب ,
الله يرزقك باابرك .. ولاينتشاور عليه ذا مثل شمس النهار ,
تقديري

رد: رايكم في المفرود المجهم .. يفحل والا مايفحل

شرفني مروركم

وبيض الله وجيهكم

والحين باقي ناخذ رايكم في طعم لحمته وموعدنا الخميس الجاي ههههههههههههههه

رد: رايكم في المفرود المجهم .. يفحل والا مايفحل

عطني من النسانيس وصفايح الورك كيلو

رد: رايكم في المفرود المجهم .. يفحل والا مايفحل

ابشر بسعدك

ويمدحون لحمة الكتف

اما الكبد اذا صارت مشويه على الجمر هذا شي ثااااااااني

رد: رايكم في المفرود المجهم .. يفحل والا مايفحل

والله يافهد مابه من الزين شي الا يمكن اذانيه واقفات شوي واذا تبي تتعب وتفحل دور لك اخير منه لوماكان انتاج مراح مشترى

وهالحين الحمد لله الزين عند البدو واجد تبي تلاقي بسعر معقول شي معنز على الصوبين وتتعب عليه والرزق عند الرزاق الرآي ذمه والنصيحة دين