اللي يعرف الفحل يعطيني علومه ( خاصه آل مره )

شحالكم يالربع ؟

حبيت اسال عن الفحل الموجوده صورته

شرينا الفحل وقالو لنا انه مري والفحل بيع بعد ماضرب ابلنا ‘ ولله الحمد

واللي يعرف علوم الفحل لايبخل علينا

الصوره :-

ولا نستغني عن ارئكم يالربع

رد: اللي يعرف الفحل يعطيني علومه ( خاصه آل مره )

حياك الله يابو حمد الفحل ويش وسمة وشاهد ومتى شريتة

رد: اللي يعرف الفحل يعطيني علومه ( خاصه آل مره )

ارحب ي فهد
وسمه العمود على الرقبه من تحت الاذن .. من يسار
ولا لقيت له شاهد
مشري يا طويل العمر اول الهداد ‘ يمكن نص شهر 11 ..

والله يرزقنا بالانتاج الطيب

رد: اللي يعرف الفحل يعطيني علومه ( خاصه آل مره )

الوسم اللي ذكرته وسم عيال عمك العضيان

رد: اللي يعرف الفحل يعطيني علومه ( خاصه آل مره )

الله الله وسم العضيان وخابره

وانا وضحت الوسم للي يبي يتعرف عليه

لكن العلوم ماهي من واحد ولا اثنين انه من فحول المره

الفحل مري ‘ وبعضهم قال انه من انتاج فحول آل عذبه والعلوم كثرت وابي العلم الاكيد

الفحل الظاهر شراه عضياني وهو حق او لقي

رد: اللي يعرف الفحل يعطيني علومه ( خاصه آل مره )

انكان ماني موهم انه مهو من ابل العذبه الان العذبه وسمهم الضاهر انه الباب ووسط الباب ردعه

رد: اللي يعرف الفحل يعطيني علومه ( خاصه آل مره )

ثامر .. بيض الله وجهك ولاهنت

رد: اللي يعرف الفحل يعطيني علومه ( خاصه آل مره )

مالك لوى ياثامر *** الباب وسطه ردعه ونسميه باعج وسم الملابسه من الدعاجين من عتيبه ويمكن يتشابه الوسم لاكن الشاهد ما يتشابه

رد: اللي يعرف الفحل يعطيني علومه ( خاصه آل مره )

ي الربع نبآ رايكم في البعير ..!

رد: اللي يعرف الفحل يعطيني علومه ( خاصه آل مره )

لاوالله الا يارباح العذبه ياسمون الباب وفي بطن الباب ردعه
مير والله اني ناسي وانا اخوك مدري هو على الرقبه او على فخذ المطيه
والضاهر انه على الفخذ وبعض اوسوم القبايل تشابه بس محلاتها تفرق وانا اخوك

رد: اللي يعرف الفحل يعطيني علومه ( خاصه آل مره )

ان كان ساس البعير مري ولا عليه الى وسم العضياني فهاذي ماعاد تقدر تحكم فيها انه من ابل ناس معينه

وابل ال مره ساسها بالغالب مايخيب الله يرزقك بالانتاج الطيب منه

رد: اللي يعرف الفحل يعطيني علومه ( خاصه آل مره )

البعير طيب جعل يرزقك بالانتاج الي يسمح خاطرك
عطني بس من وين هو مشري وانا اعلمك بعلومه

رد: اللي يعرف الفحل يعطيني علومه ( خاصه آل مره )

القعود مشري حق أو لقي غفال .
وصعبه احد يتعرف عليـه ياعبدالله ,
لكن البعير ماتقول مرّي من وسرته وشعرته
وأما عن شكله فالصوره غير واضحه : وماتبين من خلال الصوره :
انه من جايز الفحول العاديه . وظهره قصيف وعرقوبه ردي
اما رقبته زينه . ومقطع خشمه زين . والراس صغير والاذن ( صفر ) ,
والبعير يحكم عليه انتاجه والبعير قد انتج ولاغرّك انتاجه وألاّ ماهديته فأبلك ,

رد: اللي يعرف الفحل يعطيني علومه ( خاصه آل مره )

القعود مشري حق أو لقي غفال .
وصعبه احد يتعرف عليـه ياعبدالله ,
لكن البعير ماتقول مرّي من وسرته وشعرته
وأما عن شكله فالصوره غير واضحه : وماتبين من خلال الصوره :
انه من جايز الفحول العاديه . وظهره قصيف وعرقوبه ردي
اما رقبته زينه . ومقطع خشمه زين . والراس صغير والاذن ( صفر ) ,
والبعير يحكم عليه انتاجه والبعير قد انتج ولاغرّك انتاجه وألاّ ماهديته فأبلك ,

البعير ذكرو انتاجه من ابلن قصب 5 بكار .. وراحت جمله بحول 70 الف وفردت وحده منهن ب 90 والله اعلم وانا اخوك

رد: اللي يعرف الفحل يعطيني علومه ( خاصه آل مره )

البعير طيب جعل يرزقك بالانتاج الي يسمح خاطرك


عطني بس من وين هو مشري وانا اعلمك بعلومه

الله يجزاك خير ..
والله انا لقيته في الجنادريه .. بس من وين جاي مدري !