هل للجزر فائده

استشاره

هل الجزر مفيد للنياق ويستعمل علف لها
نرجو الافاده

رد: هل للجزر فائده

اما من ناحيتي

ماسمعت الجزر علف للبل
الا منك يا سالم

العلف الوافي كان تبي علف
اما الجزر اكل اوادم

رد: هل للجزر فائده

انا قبل سنتين تقريبآ سمعت من وآحد ان نياق الامير سلطان يعطوها جزر .. والله اعلم بهالامر




وشفت باحدى القنوات .. قنوات الشعر وما شابهها

واحد محمل الجيب جزر وجايبه لنياقه

والنياق شوي وتقطع الاكياس


وسبب عرضهم على القناة .. مثل ما تقولوا احتجاج على اسعار الشعير ..

وقالوآ الجزر هو البديل ..

وخوفي يجي باكر ونحصل كيلو الجزر بـ 20 ..


اما اذا هو يصلح للبل او لأ ..

الله اعلم ..

بس يجينا العلم الصحيح ان شاء الله

رد: هل للجزر فائده

السلام عليكم ورحمة الله وبركاته ،،

أخوي / سالم مزيد المطيري ،،

حياك الله أول وثانياا كل ثمار النباتات مفيدة للحيوان وللبشر والجزر طبعاً بيكون مفيد للأبل مثله مثل النباتات الثانية الي يمكن تتغذى عليها الابل ولعل أن الجزر توجد به فيتامينات ممتازة تضيف على جسد الابل الصحة وتنمي المناعة وتساعد في نموها بشكل سريع وملحوظ ،،

انا من خلال تجاربي خصوصا في تغذية الابل أستمريت مع الابل قرابة (( ثلاث اسابيع )) وكنت أحط للإبل بعد الشعير والشوار ( قشر الجح أو الحبحب أو الرقي ) وأستمريت عليها طبعاً متواصلة وكنت أحطها بالكميات المتوفرة والله بعد ها الاسابيع أشوف الابل بشكل ثاني خصوصا الوبرة تغيرت تغير كبير ،،

وسلامتكم وآسف على الإطالة ،

رد: هل للجزر فائده

ابومزيد السلام عليكم
تابع قناه الزراعيه وشف كيف الابل تكسب شحم ويكثر حليبه من الجزر.
تقدر تاخذ تردد القناه عن طريق قوقل
تقبل تحياتي

رد: هل للجزر فائده

طيب الان عرفنا انه مفيد للأبل

نحط لها الجزر بأوقات من الاسبوع .. ولا كل يوم بعد الشعير

ولا ماعاد بها حاجه للشعير ..؟

واعتذر من اخوي سالم ..

رد: هل للجزر فائده

يقولون تحط لها قبل العصر الساعه 3 ونص طيب شرايكم في الخيار والطاط والخس كلها ارزاق وفيتامينات اخ

رد: هل للجزر فائده

نعم له فوائد

وكذلك نفسية الابل تتغير وبرتها بعد

بس خلوه سر بيننا لو يدرون التجار رفعو كيلو الجزر100 خخخخ

ولكم تحيتي

رد: هل للجزر فائده

الجزر طيب بس سعره غالي وتوفيره مب سهل

وكذلك اوراق الخس تزيد الحليب وتزين الوبرة ومثل السحر للنياق اعظم من الخبز

رد: هل للجزر فائده

البل تعلف كل شي شوف عيني وهي تمضغ علبة البيبسي تحاول تبلعها لكن ماقدرت وعندي ناقة كسرت أسطاب السيارة أنا سنو اقول ههههه المهم ألي ابي أوصله انه مايضرهن لانه طبيعي وفيه فوايد