مطلوبين للرأي

السلام عليكم ورحمة الله وبركاته
اتقدم بالشكر الجزيل لمنتديات مزاين والقائمين عليها .. وعسى الله يوفق الجميع

شريت لي مجموعة ابل ومن ضمنها حواره عفراء مالها أم .. واضن عمرها لم يتجاوز 6 شهور
لأنها ماطيّرت وبرتها << إن كان عندي علم
على العموم البكره فيها العلل السبع وحالها ضعيف
خشام .. قرع .. حراره .. سهال .. والشكوى لله وهي الحين معزوله لحالها في حوش بعيد عن البل
مير ودي برايكم في راس البكره
والا باقي عمرها زين وماعليه
يالربع اقضبها والا اتناوش بها اقرب سوق ؟
اتمنى منكم ابداء وجهة نظركم .. وعسى الله يجمّل حالكم
والشي الثاني هل العلل الموجوده في البكره تغيّر من ملامحها ويشين وجهها ؟

رد: مطلوبين للرأي

وعليكم السلام ورحمة الله ..
الله يرزقك من واسع فضله .

والله العالم ان هالبكرة امها مجهم !!!

وانا من رايي انك تقضبها ..
وقيمتها حالياً في السوق ماهيب مغنيتك
أهتم فيها وعالجها وارخ عليها الشعير والبرسيم
والله يطرح لك فيها وفي حلالك أجمع البركة

رد: مطلوبين للرأي

نصيحتي اقضبها ولاتبيع

عالجها واكرمها وبعد سته شهور عطنا صورتها نحكم عليها

رد: مطلوبين للرأي

مرحبا ومسهلا ..
بخصوص سؤالك : نعم المرض يشيّن وجه المطيّه ويغيّر ملامحهاا .. وهذي حواره والمرض مأثر عليهااا
..
أما أنك تقضبها أو تبيعهاا فهذا شي راجع لك
واريي فـ أقول الآن اعتن بالحواره وعالجها واكرمهاا واهتم بهاا ومن تعب ماخاب ,
البكره راسها عـود ماشاء الله . كبر عظم وخده .. وحتى مكسر خشمها طيّب ..
وبيطلع منها بكرةً طيبه باذن الله ,
أما الاذن طويلـه وواقفه مثل ماقال ابو بندر ,

رد: مطلوبين للرأي

الحواره فيها سر جنوبي من امها ولا ابوها بس البكره مستقبلها طيب ونصيحتي امسكها لا تبيع والله يرزقك فيها وفي غيرها

رد: مطلوبين للرأي

مرحبا اخوي حوران

غضروف البكره طيب لو انك ما تطاول لحيها وهي اذنها شينه وتنابه عينها

رد: مطلوبين للرأي

وعليكم السلام ورحمة الله ..
الله يرزقك من واسع فضله .

والله العالم ان هالبكرة امها مجهم !!!

وانا من رايي انك تقضبها ..
وقيمتها حالياً في السوق ماهيب مغنيتك
أهتم فيها وعالجها وارخ عليها الشعير والبرسيم
والله يطرح لك فيها وفي حلالك أجمع البركة

هلابك يابن روق
وبيّض الله وجهك يالأمير
لكن ماظن إن أم البكره مجهم لأن لونها صافي وذيلها قصير مره
أنا معك في أن إذنها كنها إذن جنوبيه بس يمكن إن إستصحّت البكره وزان حالها تتغير بعض ملامحها

لاهنت ياطويل العمر

رد: مطلوبين للرأي

نصيحتي اقضبها ولاتبيع

عالجها واكرمها وبعد سته شهور عطنا صورتها نحكم عليها

أرحب يالعضياني
وبيّض الله وجهك يالأمير

لاهنت وعساك سالم وغانم

رد: مطلوبين للرأي

مرحبا ومسهلا ..
بخصوص سؤالك : نعم المرض يشيّن وجه المطيّه ويغيّر ملامحهاا .. وهذي حواره والمرض مأثر عليهااا
..
أما أنك تقضبها أو تبيعهاا فهذا شي راجع لك
واريي فـ أقول الآن اعتن بالحواره وعالجها واكرمهاا واهتم بهاا ومن تعب ماخاب ,
البكره راسها عـود ماشاء الله . كبر عظم وخده .. وحتى مكسر خشمها طيّب ..
وبيطلع منها بكرةً طيبه باذن الله ,
أما الاذن طويلـه وواقفه مثل ماقال ابو بندر ,

هلا اخوي مشعل
وبيّض الله وجهك يالأمير
كفيت ووفيت وجمّل الله حالك

لكن ابنشدك عن شي
الحواره ماطيّرت وبرتها للحين
على كم تطير وبرة الحوار ... ؟

لاهنت والله يعطيك العافيه

رد: مطلوبين للرأي

الحواره فيها سر جنوبي من امها ولا ابوها بس البكره مستقبلها طيب ونصيحتي امسكها لا تبيع والله يرزقك فيها وفي غيرها

هلا بولد الشايب
يامرحبا يالامير ولاهنت وبيّض الله وجهك

رد: مطلوبين للرأي

مرحبا اخوي حوران

غضروف البكره طيب لو انك ما تطاول لحيها وهي اذنها شينه وتنابه عينها

هلا بك اخوي فهد
وبيّض الله وجهك وجمّل الله حالك .. ولاهنت
تقول ان عينها نابيه اذا تقصد انها بارزه فالأمر ذا يرجع الى حالة البكره الصحيه لأنها رديه ولاعليها لحم
بس يمكن ان سمنت تتغير بعض ملامحها

رد: مطلوبين للرأي

الاذن اذن ناقه جنوبيه
والامراض تاثر عليها
وانا من رايي لاتفكها
واره عليها الحليب اكثر من العلف (لان اكتشفت ان الحاشي اللي يسمن وهو صغير يقصر عظمه)هذا والله اعلم

رد: مطلوبين للرأي

السلام عليكم ورحمه الله وبركاته
الاخوان جزاهم الله خير كفو ووفو
واضم صوتي الى صوت كل من شارك
واقول الله يبارك لك فيها ويرزقك منها
ولا تحرص عليها لين تسلم وتسمن ثم تكبر وتبين
تقبل مروري .

رد: مطلوبين للرأي

الاذن اذن ناقه جنوبيه
والامراض تاثر عليها
وانا من رايي لاتفكها
واره عليها الحليب اكثر من العلف (لان اكتشفت ان الحاشي اللي يسمن وهو صغير يقصر عظمه)هذا والله اعلم

لاهنت وبيّض الله وجهك يابن مفرح
وعسى الله يجمّل حالك

رد: مطلوبين للرأي

السلام عليكم ورحمه الله وبركاته
الاخوان جزاهم الله خير كفو ووفو
واضم صوتي الى صوت كل من شارك
واقول الله يبارك لك فيها ويرزقك منها
ولا تحرص عليها لين تسلم وتسمن ثم تكبر وتبين
تقبل مروري .

بيّض الله وجهك يالقريني
وعسى الله يبارك لنا ولك وللجميع في مارزقنا

لاهنت