أبي رايكم فالقعود

السلام عليكم ورحمة الله وبركاته
ابي رايكم فالقعود عمره حق
مواليد 20 - 1 - 2010 عمره سنتين وست شهور
ابي منكم تذكرون الزين والشين وهل هو يفحل اولا ..
وهذي صور القعود ..
++

وهذي صورة ام القعود ..

رد: أبي رايكم فالقعود

ياجماعه مافيه احد عطي رايه في القعود وينكم ياهل النظر والمزاين

رد: أبي رايكم فالقعود

الأخ : محسـن الهاجري ,
الله يبارك لك فالقعـود .. وأماته ويمنحك منه مايسرك ان بعـت وأن هديـت ,
الشور ذمـه وكلً له نظر , ووجهة نظري :
أم القعـود ( أم فحل وكفو ) ولكن أنت ماعلمتنا بـ ( أبوه ) وهو الاهم .. من المهم ( الأم ) ,
وهذا شي أنت ادرى بـه ,
..
أما على الشكل :
فالقعود عادي لو أنه عندي ماهديتـــــه ..
القعـود كنه بكره .. وصدره فيه ارتخايـه .. وراسه ماهوب راهي ولاهوب راس فحل ,
ومطلع رقبته عليه ملاحظـه ,,
وأنـت تعرف أن الشعـل زينها وااااجد .. والقعدان اللي اطيب من ذا ياكثرهاا ,

رد: أبي رايكم فالقعود

الأخ : محسـن الهاجري ,
الله يبارك لك فالقعـود .. وأماته ويمنحك منه مايسرك ان بعـت وأن هديـت ,
الشور ذمـه وكلً له نظر , ووجهة نظري :
أم القعـود ( أم فحل وكفو ) ولكن أنت ماعلمتنا بـ ( أبوه ) وهو الاهم .. من المهم ( الأم ) ,
وهذا شي أنت ادرى بـه ,
..
أما على الشكل :
فالقعود عادي لو أنه عندي ماهديتـــــه ..
القعـود كنه بكره .. وصدره فيه ارتخايـه .. وراسه ماهوب راهي ولاهوب راس فحل ,
ومطلع رقبته عليه ملاحظـه ,,
وأنـت تعرف أن الشعـل زينها وااااجد .. والقعدان اللي اطيب من ذا ياكثرهاا ,

بــــــــيض الله وجــــــــهك يامــــــــــــــشعل علي كل حال
ورايــــــــك احـــــــــلا مـــــــــــن العـــسل علي قـــــلبي
بس عندي شغله ابوه شــــــكله من البعارين اللي فوق البداوه
والقعود فالطبيعه ازين من كذا ( والراي رايك طال عمرك )

رد: أبي رايكم فالقعود

ارررحب يامحسن
القعود في عمومه ماهوب شين ,ويفحل اذا كان ابوه منتج امامن جهة امه ماعليه خلاف ان شاء الله
سطحة راسه وخدته ومشاربه زينه وغضروف خشمه مقبول الى حد ما,تشره على اذنه
عظمه مقبول وغاربه وظهره مقبوله
مطلع الرقبه فيه ملاحظة وعرقوبه ماجازلي وجنبه قصير
هذا رائي والاخوان يفيدونك , الله يبارك لك فيه ياابومطلق

رد: أبي رايكم فالقعود

ارررحب يامحسن
القعود في عمومه ماهوب شين ,ويفحل اذا كان ابوه منتج امامن جهة امه ماعليه خلاف ان شاء الله
سطحة راسه وخدته ومشاربه زينه وغضروف خشمه مقبول الى حد ما,تشره على اذنه
عظمه مقبول وغاربه وظهره مقبوله
مطلع الرقبه فيه ملاحظة وعرقوبه ماجازلي وجنبه قصير
هذا رائي والاخوان يفيدونك , الله يبارك لك فيه ياابومطلق

بيـــــض الله وجـــــــهك الــــعاطفي ولاخــــلا ولاعـــــــــدم