الولد والقعود مخلفين العهوود

السلام عليكم ورحمة الله وبركاته
من المعلوم أن القعود يتغير من شكل إلى آخر إما في تطور ولا دون
السؤال بارك الله فيكم ومن واقع التجربة والخبرة متى يثبت القعود على زينه
ولكم جزيل الشكر

رد: الولد والقعود مخلفين العهوود

وعليكم السلام ورحمة الله
هلا اخووووووي حسن
على ما أظن يتوقف نمو القعود وزينه اذا أكمل سديس .
يقف عظمه عن النمو وبذلك يتوقف كل شي فيه

رد: الولد والقعود مخلفين العهوود

أرى أن تطور القعود السريـع من حق ليا لقي ليا جذع .
ومن الثني ليا الرباع يتطور نسبياً وينطلق عظمه ويظهر جميع ماوراه من زيـن ,
والموضوع هذا يختلف من سلاله إلى أخرى ,

رد: الولد والقعود مخلفين العهوود

رأيي ان المواري تبان لا حقق القعود وراح يلاقي وتقدر تقرر على زينه وشينه

والامثله واجد .. عندي صور لغريب بعير سالمين بن حمود المنصوري مفرود وحق وثني ورباع .. تغير تماما وهو حق وخذا شكله اللي عتق عليه

ولا شك ان الاخوان عندهم من التجارب ما يكفي لأفادتك

رد: الولد والقعود مخلفين العهوود

بالنسبه للزين مواريه من بدري تبين

والساس يلحق في ظني من حق إلا لقي مايتجاوز هذا السن

اما بخصوص النمو فهو ينموو لين يشق نابه

رد: الولد والقعود مخلفين العهوود

أرى أن تطور القعود السريـع من حق ليا لقي ليا جذع .
ومن الثني ليا الرباع يتطور نسبياً وينطلق عظمه ويظهر جميع ماوراه من زيـن ,
والموضوع هذا يختلف من سلاله إلى أخرى ,

مع هالرئي بحكم المشاهدة اليوميه لقعود عندي من يومه حوار واليوم سديس

رد: الولد والقعود مخلفين العهوود

ياعزيزي انا عمري 45سنه مع البل اعلمك من وقع خبره الحوار من اول ركزه يبين زينه ولو شان نسبياً لا تم لقي يرجع ع زينه

رد: الولد والقعود مخلفين العهوود

يتوقف نمو البعير لاجا سنه رباع

رد: الولد والقعود مخلفين العهوود

بنتكلم عن الزين المتطور وهو ان القعود يتطور من الحوار لين يصير جذع وبعدها يتوقف زينه ويبين الشكل النهائي بالنسبه للزين ولكن كاكبر وطول يتواصل .