المعشر شككتني يالربع ارجوا الافاده

السلام عليكم

ياجماعه الخير. شريتلي معشر لها شهر على كلام راعيها بس في جفله عجيبه اول ما يقربها الرجال تشاول وتوزر. والله الربع انها تشاول وتوزر وهي باركه واستشكيت فيها

يالربع اللي عنده علم او قد مر عليه مثل هالحاله يفيدنا

ولكم جزيل الشكر

رد: المعشر شككتني يالربع ارجوا الافاده

الناقه مشوال ,
ولاداعي للقلق ,
بعض البل هذا طبعهاا ,
لاعدت الشهر الثالث او الرابع ركدت , وسلامتك ,
والله يبارك لك فيما اعطاك ,

رد: المعشر شككتني يالربع ارجوا الافاده

مسيك بالخير ابوناصر. تبي تتاكد من عشارها اقطعها من العلف وعرضها لبعير واذا شفتها تشاول وتوزر وتجتر تراها معششه ولاهيب لقحه والعلم عند الله

رد: المعشر شككتني يالربع ارجوا الافاده

الله لا يهينكم ويبارك فيكم وفي حلالكم

اخوي ابو سعود كم اقطعها من العلف

وننتظر مشاركه باقي الربع

رد: المعشر شككتني يالربع ارجوا الافاده

اخالف اخوي محمد في قطع العلف واوافقه في ان الناقه اللي تشاول وتجتر عند الفحل غالبا تكون معشش
ماللعلف دخل في الموضوع

تقبل تحياتي