الفزعه يرحم اللي عقبوكم قبل لانتحر

على ماذا تطلق كلمة نفله

عندي واحد يقول ان معناها زين وانا اقول عكس ذلك وقلتله بنشد رجال يجيبون العلم وقلتله بوريك ردودهم بالمنتدى ونشوف من الصح ومن الخطأ طبعاً الشخص طريقة اقناعه من اصعب الاشياء في الكون فلذلك حبيت انكم تشرحون لنا على ماذا تطلق وبوريه الردود

رد: الفزعه يرحم اللي عقبوكم قبل لانتحر

هلا وغلا يا عزوز ..
ويش يخليك تنتحر وانا أخوووووووك ههههههههه
أكيد ان صاحبك رافع ضغطك بالحيل .

بالنسبة لكلمة نفله مافهمت معناه الى الآن منك .
فيا ليت توضحها اكثر ، بأن تضعها في جملة مثلاً

قد تختلف المسميات والرموز من منطقة الى أخرى
وأمكن نفيدك وتفتكك من رفيقك

رد: الفزعه يرحم اللي عقبوكم قبل لانتحر

داخل عليك لاتنتحر ...
في لهجتنا لها معنيين وكلها عاديه
نفله / بسكون الفاء / مثل قول ((هاذي نفلة حلال فلان)) >>>> = سمل حلاله
انفله / بفتح الفاء وفتح اللام / مثل قول (( جات الديره الفلانيه نفله)) >>>= عجاج
تقبل تحياتي

رد: الفزعه يرحم اللي عقبوكم قبل لانتحر

ماهيب زينه عليك وياه

رد: الفزعه يرحم اللي عقبوكم قبل لانتحر

وضحت الصورة أكثر يا عبدالعزيز بعد تبيانها من اخوي أبو حاتم العماري ..
ومثل مقال ابو حاتم ، في لهجتنا
نفله / بسكون الفاء / مثل قول (( هاذي نفلة حلال فلان )) .... سمل حلاله

رد: الفزعه يرحم اللي عقبوكم قبل لانتحر

الله اللي جابكم والا كان علوم ههههههههههههههههه
والمثال طلال الروقي شرا نقوة ابل حاتم العماري وعبدالعزيز الباتل شرا النفله انا قلتله النقوه نقوه والنفله اللي دونها عاد انتم اقنعوه
هههههههههههه

رد: الفزعه يرحم اللي عقبوكم قبل لانتحر

هو منهو اللي نقنعه ...؟

كيف نقنعه وماعرفنا اسمه ,,

هذا اللي بغيت تنتحر بسببـه يبي له اقناعً اجباري ( بالعين الحمراء )

رد: الفزعه يرحم اللي عقبوكم قبل لانتحر

نفله = سمل = عزل
يعني الحلال الغير مرغوب فيه فالمراح
والبل ماهيب سوى بعضها طيبه وتلقى نفلتها حلوه
وبعضها حلوه وتلقى نفلتها وسط او أدون (وبعض البل اللي تدخل النفله تلقها طيبه بس فيها عياب او كبر سن او حيل)
وهالحين امسك رفيقك هذا وغز عينه فالشاشه وخله يتعلم
ولا تنتحر ولا شي تراك غالين علينا

رد: الفزعه يرحم اللي عقبوكم قبل لانتحر

الله يرحم اللي عقبوكم ويجعل شيبانً ورثوكم للجنه يارب
وابشركم الرجال اقتنع بعد جهد جهيد

رد: الفزعه يرحم اللي عقبوكم قبل لانتحر

النفل والعزل واحد وهو اخراج اطيب الحلال عن الطيب عن الاطيب وهذا ما يعمل في من يريد دخول المزاين فيعزل وينفل من ابله من يرى انها ادون ويترك ماهو اطيب وكلها طيبه

اما السمل فهذا مصطلح في العاده يهدف منه اخراج ما يراد بيعه من الابل

فيتضح ان النفله هي من بطن الابل ولكن الرغبه في التقليل او التصفيه فينفل الابل او يعزل وفي العاده اقيامه على حد الابل
اما السمل فاقل من مستوى الابل شكل وقيمه
والله اعلم

رد: الفزعه يرحم اللي عقبوكم قبل لانتحر

حسب ماسمعت كلمة نفل تطلق على الغنم (نفالة غنم فلان)

اما السمل تطلق على البل سمل ابل فلان وكذا


السمل تطلق على البل

وسلامتكم

رد: الفزعه يرحم اللي عقبوكم قبل لانتحر

النفله والسمل معناها واحد

رد: الفزعه يرحم اللي عقبوكم قبل لانتحر

If you would like I can explain it in English ...

it is up to you .. but as far as I see .. most of the guys helped you out ..

hahahahaaaaaaa.....


اقطع ايدي لو يجي خويك ويقرا ويعرف وش خربطت فوق ...ههههههههه

رد: الفزعه يرحم اللي عقبوكم قبل لانتحر

If you would like I can explain it in English ...

it is up to you .. but as far as I see .. most of the guys helped you out ..

hahahahaaaaaaa.....


اقطع ايدي لو يجي خويك ويقرا ويعرف وش خربطت فوق ...ههههههههه

مشاركتك يبي لها نفله

رد: الفزعه يرحم اللي عقبوكم قبل لانتحر

ههههههههههههههه لاتنتحر ولا شي وانا اخوك

النفله من المال اقله او ارداه ومن البل السمل للتوضيح ولو ان البل ماينقال نفل ابله بل يقال سمل ابله والنفل في باقي الحلال مثل الضان والماعز

لكن الله العالم ان خويك قلبه خضر يسمع الشعراء يتغزلون ويتوجدون ويقول احدهم (عليك ياللي نافلٍ جيله) وضنها زينه ولو برق بها زين بانت له ان ماينفل الا الاقل