البرسيم بــــــــــــريال

مرحبابكم

البرسيم الي بريال هل له فائده للابل

سمعت انه يكثر حليب الخلفات ويطعم فيه

والي يستمر عليه يمنع اكل الابل دمنها

ومنكم نستفيد وتعم الفائده للاخوان

رد: البرسيم بــــــــــــريال

والله اول مره نسمع ان فيه برسيم بريال..ياليت توصفه لنا ..

رد: البرسيم بــــــــــــريال

البرسيم ابو ريال للارانب الربطه ماتشبع حوير

رد: البرسيم بــــــــــــريال

والله ياخووووك يا مشاري اول مره اسمع عن البرسيم اللي بريال ..
وش ميزته ووين يباع

رد: البرسيم بــــــــــــريال

الظاهر قصدك القت؟

رد: البرسيم بــــــــــــريال

يقصد البرسيم الاخضر اللي يحصد ويربط ويباع مباشرة دون أن يابس

نعم هذا يكثر الحليب

رد: البرسيم بــــــــــــريال

نعم هالبرسيم اطيب ولكن وش بيكفي لو تنطل منه عشر كلتها الناقه في ساعتها

لكن اخذ كثرة حليب وزين وبره

بس تراه لين مره وفي المرات الاولى يوجع بطن الناقه لاتكثره

ويعاب عليه عدم تواجده بشكل مستمر

رد: البرسيم بــــــــــــريال

ارحبو بدو وحضر

اول شي علف الارانب الرئيسي الجزر وهالحين بعض ملاك الابل تعطي

الابل جزر

ثاني شي هذا برسيم لجميع الحيوانات وانا اتكلم عن البرسيم الاخضر

المحصود في نفس اليوم


ويباع في سوق جرش مع جميع الاعلاف

يعطا للابل والاغنام وسمعت انه يعطا للهجن

ومنه فوائد كثير انا اعرف بعض الفوائد عن تجربه وابي اسمع منكم اول

وهذا صور للبرسيم

رد: البرسيم بــــــــــــريال

صدقت يالعاطفي ,
هذا للهجن , ونافع جداً .
وخصوصاً يزيّن اللون ويخلي شعرت المطيّه لمّاعه
واما بخصوص انه يطعم فالحليب . نعم يستخدمه ناس للخلفات ويمدحونه بس أن اللي ماهي متعوده عليه يورم بديودهاا .
وهو اساساً للهجن , ويُعطى بعنايه لها وبرنامج , لنه لاكثر عليها يمرضها ,

رد: البرسيم بــــــــــــريال

ارحب يامشعل تراحيب المطر

هذا الموضوع المبروك الي خلاك تشارك معنا

نبي معلومات عن تجربه من الاخوان او معلومات طبيه

لتطوير الموضوع واخذ الفوائد وترتيبها في موضوع مستقل في عيادة البيطريه

لي استفادة القارء بشكل اوضح ومختصر وفوائده كثيره للابل من امراض وغيرها

والفائده ترجع لكم

والصلاة والسلام علي اشرف المرسلين محمد صلى الله عليه وآله وسلم

رد: البرسيم بــــــــــــريال

معروف هالقت هاذا حق الهجن ويعرفونه هل الهجن مايحتاج نشده منه عندهم

اما عن البل الثانيه فما ادري ماقد جربته

رد: البرسيم بــــــــــــريال

اشبعها منه وشف الفرق القت مافيه كلام يطعم في الحليب ويزين الوبره

بس تراه حار على المطيه الافضل ان معه شعير

البرسيم ماله عوض في جميع الاعلاف

رد: البرسيم بــــــــــــريال

هذا برسيم طري طازج ونعم مجربينه ويزيد الحليب ويزين الوبره بس مشكلته المشاوير يعني من بيدخل سوق العلف كل يوم علشان ياخذ 20 حبة او 30 حبة
مع العلم ان الخلفه الوحدة تاكل حوالي 10 ربطات ويعتبر مكلف وتراه حار مثل ماتفضلوا الاخوان خصوصا على البكار والقعدان اللي دون السنة يخليها تذرق

رد: البرسيم بــــــــــــريال

البرسيم الاخضر زين للخلفات يكثر الحليب والرغوه ويحليه لكن من عيوبه يسبب خباش للخلفات

رد: البرسيم بــــــــــــريال

سالم وعايد و سعد وبندر

الله لايهينكم علي المشاركه

منكم نستفيد