الراي في اللقيه المجهم

السلام عليكم
اللقيه تصفر جذعه صورة جديده .الزين والشين . سعرها في السوق . مرية او دوسرية في مواريها

رد: الراي في اللقيه المجهم

وعليكم السلام
كل عام وانتم بخير ياخوي عامر , والشهر مبارك عليكم , أنت ومن يقرا هالكلمات ,

المجهم : طيّبه وبدويــه وناقة البدوي اللي يحبها في مراحه وينتجها ويتعب عليهاا وتستاهل
اعجني رق وطول رقبتها ( ماشاء الله ) واعجبني سدوها , وجبر عظاها ,
..
عظمها قصيرً شوي لإن المجهم الجذعه ودك انها سنافيـه , لن طول المجهم وهيبتها من اهم مايميزها
كذلك المبروكه ماهب سندا , ولافيها سناديه بل فيها ارتخايه شوي ,
ظهرها زين , ولو أني اشوفها من النوع اللي مايردم شحم , بل يمشي شحمها مع جنوبها وحجوزها
الراس في عمومه ( صغير ولحيها دقاق )
..
العمر واللون والوسره : مريـــــه ,
والرقبه والاذن والراس عموما : دوسريـه ,
اعتقد أن فيها عرقيـن , والعلم عند علاّم الغيـوب
..
السعر كان ممشاها طفاح , اعطيها من 26 وفي بحرهاا تنقص ولاتزود والزبون هو الحكم , لكن لو بشريها ماني معديها ذا الكلام ,
...
فك القيد لاتخليه بيدينها ( تكفى ) !

رد: الراي في اللقيه المجهم

اللون والاذن والرقبه وقل اللحم وسنها ابز ما يميزها
والباقي لا ظهر ولا عارب ولا جنب ولا كبر راس واللحي قاصر الناقه دنا ولافيها سناد ولا جبار عظم
وسرتها ما جازت لي ما فيها من المجهم الى اللون والاذن
قيمتها لقحه من 12 وحولها وقيمتها خلفه تزود الى 16

رد: الراي في اللقيه المجهم

اللون والاذن والرقبه وقل اللحم وسنها ابز ما يميزها
والباقي لا ظهر ولا عارب ولا جنب ولا كبر راس واللحي قاصر الناقه دنا ولافيها سناد ولا جبار عظم
وسرتها ما جازت لي ما فيها من المجهم الى اللون والاذن
قيمتها لقحه من 12 وحولها وقيمتها خلفه تزود الى 16

كلام مضبوط في الوصف واختلف معه في السعر من 6 الى9 الاف في نظري والله الموفق

رد: الراي في اللقيه المجهم

انا اقول ماهيب لقيه

اما ثنية ولا رباع

وعموماً ناقة عايديه قيمتها من السته الى السعة الالف ريال

وسلامنك

رد: الراي في اللقيه المجهم

مشكورين على المشاركة واعطاء الراي
البكره لقيه وفيها عرقين مثل ماقال البرقاوي مري و دوسري
والبكره مسيرها اسناد وطافح ولاهي دنا
بس في الصورة واقفه قدامها دحديره وراها اسنده

رد: الراي في اللقيه المجهم

والله ياعامر عني انا ماعرفت لها البكره ان قلت زينه ومقبوله تحري بالكلام ذا وان قلت عاديه تحري به بعد

وبالتوفيق لك واللي قدامي اخبر مني وقد عطوك ماعندهم

رد: الراي في اللقيه المجهم

زينه للقناي وفي السوق قيمتها ادون ماتتجاوز 12 على اسعار الايام
القناي بيحب رقها وسنها وطول جنبها ورقبتها ...لكن وجهها دقاق وراسها صغير ولا هي نظير
اتوقع لو تسمن بيظهر فيها زين اكثر
الله يبارك لك ويرزقك
تقبل تحياتي

رد: الراي في اللقيه المجهم

مرحبا ياعامر البكره عاديه

فيها الرقبه زينه وطول وجها من تو عيونها بس

دوسريه

رد: الراي في اللقيه المجهم

مرحبا يابو نهيان
اللقيه طيبه ومقنوي والملاحظات عليها مثل ماذكروا الإخوان وخصوصا دق الرأس والظهر عموما لكن والله العالم إن الصوره ماخدمتها من ناحية التسناد وظهرها بيزين لاردمت الشحم.
قيمتها أتفق فيها مع أبو فالح بالضبط

رد: الراي في اللقيه المجهم

ابونهيان كل عام وانت بخير
وعسى الله يتقبل منا ومنك صالح الاعمال

البكره هذي لو لقيتها في السوق بشتريها عشان الهداوه والحليب والا الزين مافيها من الزين شي

الله يبارك لك فيها ويرزقك بأزين منها

رد: الراي في اللقيه المجهم

يابو راشد ,
نبي لها صور واضحه ,
الاخوان اختلفوا والصوره ماتفي بالغرض ,

رد: الراي في اللقيه المجهم

مع احترامي اراء الاخوه الاعضاء انا ماشوف فيها من الزين شي يذكر ارجو انك تفبل وجهت نضري

رد: الراي في اللقيه المجهم

البكره عاديه

رد: الراي في اللقيه المجهم

شكرا لا رائكم وان شاء احاول بعدين اجيب لها فيديو
مشكورين