الجار قبل الدار

يا اخوان السلام عليكم ورحمة الله وبركاااتة
جاري عندة لة ناقة تاكل وتشرب طبيعي ولكن اذا سرحهااا مع البل راحت باتجاة والبل باتجاة اخر يعني ما تكون مع الايفهااا
والشي الثاني علي كثر ماتاكل ماتسمن وحالهااا ضعيف علما ان حاشيهااا هجال عليهااا ويشفطعهااا والظاهر انة شفط عافيتهااا معهاااا والحاشي عمرة 8 شهور

وعليك السلام
يا هلا بك يا محمد

ياأخ محمد
بالعاده الناقه العشره (خفله مبطي ) تمسك حال لا تسمن ولا تضعف
وخاصه إذا كانت كسوب لا اتدور الشحم فيها
وفي بعض النياق خلقت الله ما تسمن تقعد ماسكه حالها لين تعشر واتزين شوي
وبالنسبه للحاشي يرضع امه له دور ولاكن مهو بالدور الكبير وخل راعيها يشملها .
وبالنسبه انه تفرق عن الابل اعتقد انه الناقه اتحن لديرتها الي اولدت فيها
خله يعقلها باليل او يحطها بشبك لا تسري او يمسك اولدها إذا هي لي هالحين ما اقنعت منه اي انها لي
هالحين تمشي ورا ولدها وتبي ولدها .

وشوف راي الاخوان يمكن لهم كلام ثاني

كلامك وافي يا طيب الفال ولا هنت علي كل حال
ومشكور يا المطيري

وعليكم السلام ورحمة الله

بالنسبة لحال الناقة السبب الرئيسي هو ولدها ورضاعه في كل وقت

من وين تسمن هي هجال عليه ؟؟


وبالنسبة للسرحة إن كانها طريفة وجديدة على الابل هذا طبيعي لين توالف الابل

وان كانها مبطية مع الابل وهاذي عادة لها ما تخليها يبيعها القصاب أحسن لأن قلبها ميت ولا فيها طب


تحيااااااااااااتي

خالد السبيعي جزاك الله خير وبيض الله وجهك يا غالي ولا هنت علي كل حال ومنكم نستفيد