خدمه يالطيّبين خصوصاً أهل رمـــاح , واخص سبيــــــع الغلبـــــا ,

العلم سلامتكم يالوجيه الغانمه ,,
عندي ضرايبً هالسنه ودي أنوّخها لـ ( الفايـــــز ) بعير ابوفهـد السبيعي اللي برمــــــاح ,,
بعيرً مشهور على مستوى الخليج خصوصاً هالسنه ,
اللي يعرف الرجال ويقدر يهرّجه لنا أو يخدمناا بيض الله وجهه مقدماً , والطيب مايستغرب من هله ,
وتعرفون الخطوه بعيد وودنا مانروح ألاّ على نور ,
البعير مفتوحً عليه المجال السنه اللي فاتت لكن هالسنه الله اعلم , والزحمه بتكون بشكل غير طبيعي ,
الرجال على ما اظن أسمه : فالح السبيعي , وهو من اهل رمـاح ,


اخوكم

رد: خدمه يالطيّبين خصوصاً أهل رمـــاح , واخص سبيــــــع الغلبـــــا ,

مــرررحبا يامشعل تراحيب المطر

مرحبااابك ولانت بلاقي الا العلم الطيب ان شاء الله

البعير اللي انت تقصد ماعرفته ان كان عندك علوم زياده عن البعير وراعيه

والبعير وش لونه وساسه

ولانا بذاخرين شي دونك ودون الربع اللي مثلك وشرواك

رد: خدمه يالطيّبين خصوصاً أهل رمـــاح , واخص سبيــــــع الغلبـــــا ,

الله يبقيك يابوفهد ,
وانتم اهل العلم الطيّب والطيب انتم منبعه ومغراسه يابدن

شرواك الطيب يابوفهد وطاب فالك وطابت ايامك

والبعير : بعير هجن واسمه ( الفايز ) وفي رصيده العديد من السيارات سابق بيده , ومنتج
وانتاجه اكبره حقايق سبّق وبيع عليه بملاييـن ,
والبعير مكان تواجده في رمااااح او قريبً من هاك الديار ,
وراعيه يقاله ابو فهد وعلى ما اظن ان اسمه فالح ,

رد: خدمه يالطيّبين خصوصاً أهل رمـــاح , واخص سبيــــــع الغلبـــــا ,

هلا وغلا اخوي مشعل


صحيح الفايز ملك فالح بن ديهمان السبيعي ابو فهد وموجود برماح اول الهداد وينقله في الجنادريه لناس سبيل الله يجزاه خير ويخليه بعزبت الشمري اول الدوره تلقاها فيها علي حد علمي وعادته كل سنه علي هالطريقه الله يكتب له الاجر

رد: خدمه يالطيّبين خصوصاً أهل رمـــاح , واخص سبيــــــع الغلبـــــا ,

الله يرزقه ويجزاه خير الجزاء ,
وبيض الله وجهك يافهد , وطابت ايامك .
واسم الشمري منهو ..؟