سؤال عن وسم حيرني ومالقيت احد يعرفه

السلام عليكم ورحمة الله وبركاته,,,
ومبارك عليكم الشهر الفضيل

ابي استفسر عن وسم الجمل لاهنتهو
هلال ومطرق طويل على الخد الايمن
تكفون يالنشاما اللي يعرف الوسم لمن
لايبخل علينا انا شريته من السوق
واللي باعه مايعرف عنه شي
ودي اعرف ساس البعير وشو
وهذي صورة الوسم والجمل

رد: سؤال عن وسم حيرني ومالقيت احد يعرفه

طيّب البعير سوداني خلص أو مهجن ..؟
اعتقد ان الوسم ذا لرشايدة السودان ,

رد: سؤال عن وسم حيرني ومالقيت احد يعرفه

هذا على ماأظن والله العالم
وسم الصعبه من مطير

رد: سؤال عن وسم حيرني ومالقيت احد يعرفه

هذا الوسم وسم اهل تبوك بلوات او عطوات والله العالم اسال في منتدياتهم وراح يدلونك

رد: سؤال عن وسم حيرني ومالقيت احد يعرفه

وسم سوداني


تقبل تحياتي

رد: سؤال عن وسم حيرني ومالقيت احد يعرفه

غريبه .. هل فيه معقوله زمول شقر مثل دمه هالبعير في السودان !؟؟

اتوقع البعير يمسه سر حراير من السعوديه والله اعلم ...

اتوقع البعير من زمول السعوديه ..

رد: سؤال عن وسم حيرني ومالقيت احد يعرفه

طيّب البعير سوداني خلص أو مهجن ..؟
اعتقد ان الوسم ذا لرشايدة السودان ,

ياهلا بك يامشعل
البعير حدن يقول بشاري
وحدن يقول مهجن
وماسألت عن وسمه الا ابعرف اصله
والظاهر انه مثل ماتفضلت

رد: سؤال عن وسم حيرني ومالقيت احد يعرفه

هذا على ماأظن والله العالم
وسم الصعبه من مطير

هلا بك ياماجد
كل ماسالت مطيري قال ماعرفه
وش الدبره
كان تعرف احد من الصعبه انشده
ورد لي لاهنت تعبت من كثر ما اسال

رد: سؤال عن وسم حيرني ومالقيت احد يعرفه

هذا الوسم وسم اهل تبوك بلوات او عطوات والله العالم اسال في منتدياتهم وراح يدلونك

ياهلا وغلا بمنصور
سالتهم شخصيا وشافو الصور
وقالو ماهو لنا
ويقولون يمكن انه للشرارات

رد: سؤال عن وسم حيرني ومالقيت احد يعرفه

وسم سوداني


تقبل تحياتي

ياهلا بك
منت بعيد من صواب
الظاهر اني بدور على السودانيين انشدهم
كل قبيله سالتهم يقولون مانعرفه

رد: سؤال عن وسم حيرني ومالقيت احد يعرفه

غريبه .. هل فيه معقوله زمول شقر مثل دمه هالبعير في السودان !؟؟

اتوقع البعير يمسه سر حراير من السعوديه والله اعلم ...

اتوقع البعير من زمول السعوديه ..

ياهلا بك يامبارك
انا مابلشت باباعر السودان
انا بلشت به الوسم اذا عرفته
عرفت اصل الجمل وساسه
وان كان به سر حر
الوسم بيعرف

رد: سؤال عن وسم حيرني ومالقيت احد يعرفه

مشكورين ياشباب وماقصرتو
وبانتظار باقي الاعضاء
يدلون بمعلوماتهم
لاهنتو يالنشاما

رد: سؤال عن وسم حيرني ومالقيت احد يعرفه

سبحان الله وبحمده,,
سبحان الله العظيم...

رد: سؤال عن وسم حيرني ومالقيت احد يعرفه

يالربع معقول مافيه احد يعرفه

رد: سؤال عن وسم حيرني ومالقيت احد يعرفه

طيّب البعير سوداني خلص أو مهجن ..؟
اعتقد ان الوسم ذا لرشايدة السودان ,

ماهو وسم رشايدة السودان كل الرشايده وسمهم الكفه على الفخذ
وعلى ماضن انه وسم الهمله من البقوم