رأيكم مهم جدا

يا اخوان السلام عليكم ورحمة الله وبركاتة
فية ناقة حايل بالسوق عند السودانيين والسؤال هل هناك مواري من خلالها اعرف اذا الناقة كانت خلفة العام او انهااا خفوت لان السودانيين يقولون مانعرف عنها شي لانهاا جلب من الامارات انا اخاف انها ماتلقح
بالنسبة لديدهاا مافية حليب

وسلامتكم

حياك الله يا محمد

تعرفها من ديدها اذا سبق انها لقحت او ان ديدها ديد البكره فهذي ما لقحت

لكن وش سنها

السلام عليكم ورحمة الله وبركاته

نصيحه لاتشتري الا لقحه ادا ماتعرف راعيها

تقبلوا خالص تحياتي
أخوك المشعلى

الحايل ما تشرى يالبناخي ......

والسوداني يعرف علتها ولو بها شي بسيط كان لقحها وانتظر عليها عشر ايام ورفع سعرها وقالك لقحه يا زول

اتركها ودورلك لقحه ........ وشراء البل يبيله صبر والعجله ماهي زينه

السلام عليكم ورحمة الله وبركاته
اخوي محمد مطير
اكثر ما يميز الناقه وتعرف به الناقه هي عشراء او حايل حول او اكثر هو شعرتها وخاصه اللي في مؤخرة السنام اما اذا حالت الناقه سنه او اكثر فان تمييزها يصعب يصعب تمييز الحايل هل حيالها من العام فقط ام من عدة اعوام الا الناقه الجهل اللي ما لقحت ابدا فهذه واضحه من ديدها
والله الموفق

شكرا للجميع وحياكم الله اخوان غاليين وشكرا لردودكم الطيبة

اخوي محمد مطير


نفس ماقالو اخذ بنصيحتهم