الرمث يغني عن الشعير ..؟

السلام عليكم

ان شاءالله بعد العيد بشد الى مراح فيه رمث

وبستشيركم الرمث يغني عن الشعير


بس ماء ورمث

رد: الرمث يغني عن الشعير ..؟

لا والله ما يغني

الرمث حمض ماهو علف

رد: الرمث يغني عن الشعير ..؟

أبدآ لا يغني ولا يسمن من جوع.... ولو كان يغني عن الشعير كان لقيت الهمل من سمان البل

رد: الرمث يغني عن الشعير ..؟

ولوتعطيها ماء ورمث لوجتها متثاويه جنب الرمث لاتستطيع الوقوف
والقراد والحلم والحبناء مغربز فيها الرمث ونا اخوك مايغني عن العلف ولا يسمن حمض

رد: الرمث يغني عن الشعير ..؟

العشر بكيس شعير والعشرين بكيسين والثلاثين بثلاث أكياس كحد أدنى
مع وجود الرمث بيكون حالها معقول
ام الرمث لحاله جوع
لابد من الشعير او أي نوع من الأعلاف المكيسه مع الرمث

رد: الرمث يغني عن الشعير ..؟

السلام عليكم

اخي العزيز كل عشر عطها كيس شغير مع الرمث يعني اذا الأبل ثلاثين عطها ثلاث أكياس وهكذا فقط

بس البرسيم و التبين في وجه العدو و المزروع وغيره من الاعشاب لا تعطيها لأن الرمث يكفي عنها

هذا ولك تحيتي وتقديري

رد: الرمث يغني عن الشعير ..؟

جزاكم الله خير والعدد 26 بفحلها

رد: الرمث يغني عن الشعير ..؟

الحمض يغني عن الملح فقط ويشدون له البدو يبون الدفا اما ابلك عطها 3 اكياس شعير بس غير الحب و4 ذره فطور و4 عشاء والله يبارك فيها

رد: الرمث يغني عن الشعير ..؟

كلام اخوي مبارك سليم اذا تبي ابلك سمان

رد: الرمث يغني عن الشعير ..؟

شف وانا اخوك

اذا تبي ابلك تشيل شحم وتزين انشالله

عطها ثلاث اكياس مكعب

وانزل في محلن رمثه زي بلحيل

وابشر بلحال

ملاحضه.لاتعطيها لابرسيم ولا حشايش مررره