وش السواة بالناقة اللي تاكل دمن المراح

يا اخوان السلام عليكم ورحمة الله وبركاااتة
عندي ناقة الله يعزكم تاكل من دمن المراح وش الحل االي عندة حل يشور علينااا

وعليكم السلام ورحمة الله وبركاته

هذي مشكله يعاني منها الكثير

الناقه تعود على دمن المراح اذا كنت تطعم شغير

والثانيه اذا كان عندك بس ناقه وحده الي تاكل من دمن المراح حاول أن تعزلها الحالها حتى ما تطبع الابل الثانيه

ودمت بخير

تحيه

الاخ محمد

يقولون من الاسباب اللي تخلي الناقه تاكل دمنها

نقص املاح يعني ان الابل تكون في ارض ما فيها رمث

واذا كنت مثل ماقيل عطها ملح

الامر الثاني لا تبطي في المراح وكما قيل الابل هواها كل يوم
شديدي

الامر الثالث اذا كان اغلب الابل تاكل دمنها علفها نخاله ولا تعلفها شعير
فتره وتشوف التغيير ان شاء الله

الامر الرابع اذا نزلت في مراح حاول انك تنظف مراحك يوميا

اخوك
عبدالله بن مطلق المزحمي

عليك بالملح وأنا أخوك

المشكله هذي كانت عندي وعطيتها ملح بشكل يوم بعد يوم ( الملح لونه ازرق في الصيدليه البيطريه ) والحمدلله ما عاد تاكل دمن

الله لا يهينكم الجميع وبيض الله وجيهكم ........لكن يا اخ سلطان المطيري الملح اللي لونة ازرق يجي علي شكل مكعبات ولاااا بملح ينخلط مع العلف

حاول إنك تعطيها شعير مجروش لاتعطيها حب

هذا سببه نقص املاح وعلاجه املاح عند الصيدليه يجي لونها احمر وازرق
يخلط مع الماء ومع النخاله عطها مدة شهر كامل وتشوف النتيجه

لا هنتووووووووووووووووووووووووووووووووووووو

الملح لونه ازرق وليس مكعبات يجي في اكياس سعر الواحد 3 ريال الناقه الواحد مقدار المحل نصف كوب يعني كل ما زاده النياق زود نصف كوب ( وانا اضعه لوحده ما ادري عن خلطه بالماء او غيره )

اوافق الخوان انه من الشعير
لانه حبت الشعير تكون صلبه على الابل وخاصه الكبار ما تقدر تجرشها
وهذا شي معروف
اخوي اخذ لها مكعب الوافي او شعير مجروش واهو افيد من الشعير العادي
وكل الابل الي تاكل شعير تاكل دمنها وشي عادي