[OVERLINE]السلام عليكم ورحمة الله وبركاته يالربع عندي بكره اظربتها للمرة الرابعة واخر اظراب لها قبل يومين - والبارحه جاني سوداني وقلت له عنها - وقال احتمال يكون فيها صيد وذمبور الذمبور هذا ماعرفته بس علا كلمه انه حبه - او انتفاخ- في اسفل حيا الناقه تفتح وبأذن الله تلقح - بس قال لي خل البكرة تكمل خمسة عشر يوم واذا مالقحت اقطع عنها - مع العلم ان البكره عمرها جذعه ماهي صغيره وحالها طيب وبهذلت البل صايره تقل فحل -؟[/OVERLINE]
-
-
رد: مخاب من استشار
عليك بالقيد واشبكها مع البعير عشان تعرف أنها أنثى
وصحيح الي يقوله السوداني مع أني قد شفته فابلي ولا قطعته وتلاقحت
لكن اقطعه عشان تريح راسك وخلها مع الفحل فالشبك وبتلقح بإذن الله -
رد: مخاب من استشار
السلام عليكم ورحمة الله وبركاته
أخي حاتم حسب خبرتي المتواضعه
الله أعلم ان البكره فيها صيد ويمكن ( ذيخ ) وهو اكبر من الصيد يجي في كفل ( حيا ) الناقه من الأعلى إذا كان كبير يقص
أما اللي يجي في حيا الناقه من الأسفل فهذه الأشاعر أنتبه لا تقطعها
عندنا العام الماضي ناقه كبيره أم خامس قامت تعمل عمل الفحل تهدر وتطرد البل وتقع قدام الفحل عرضناها على جامعة القصيم وتبين بالإشاعه فيه ورم ( تكيس ) فوق المبيض وعملوا لها عملية وأخرجوه وضربناها السنه هذه وعشرة ولله الحمد
أعرض بكرتك على خبير في الإبل أو ودها جامعة القصيم
والأخوان في المنتدى مايقصروا
والله يطرح فيها البركهتعليق
-
رد: مخاب من استشار
دام البكره بهذلت البل تقل تهادر عليهاافـ ابشرك بتلقح بمشيئة الله سبحانهوهذا معناه ان فيها يسره .وانا اتفق مع الاخ الغانم ,البكره يجي فيها ذيخ , اقطعه عنها واعتبرها لقحه باذن اللهوانتبه من بعض السودانيه تراهم يقطعون شعاري الناقه ويلعبون فيها..فلازلّ قروها اعرضها على البعير كان ماعشرت , خلها اسبوع واضربها ولاقام البعير افتشها واقطع عنهاوباذن الله تلقحسبحــآنـ الله وبحمـــــده
سبحـان الله العظيـــــــمتعليق
-
رد: مخاب من استشار
بيض الله وجيهكم وغفر ذنبكم ماقصرتم وفيتم وكفيتمتعليق
تعليق