تحميل الابل للمجرب

السلام عليكم استفسر عن تحميل البل في السيارات
ابشد يم الربيع لاكن المسافة 200 كيلو والطريق شبوك و مزارع
هل التحميل فيه ضرر لان فيها الملاقي واللقحة النشوء
افيدوني بارك الله فيكم

رد: تحميل الابل للمجرب

اخوي أحمد
حمل البل با الدنان ولاكن
لابد من حضورك عندهم .
كذلك لا يرفع الناقة بالفقار .
يدخل سبته عند الزور والثانية عند الفقاره على شكل قوس إلى الاعلى ويرفع الناقة ،
مثل شيل الفحول وان شاء الله ماتشوف شر .
والله يوفقك

رد: تحميل الابل للمجرب

200 كيلو تقطعه الابل في ثلاث ايام وممشنا معه يرد الروح مالك ومال الشيل وبعدين وين الربيع اللي تقوله باي منطقه

رد: تحميل الابل للمجرب

اسمع كلام الزيادي وخل عنك الشيل ........التحميل يعسر البل بالحيل

رد: تحميل الابل للمجرب

شكرا لمروركم والمجرب يعلمنا
الربيع بين بدر ومستوره الى شرق حتى خط الهجرة
والي ناوي يشد يعس الديرة افضل

رد: تحميل الابل للمجرب

200 كيلو ماتحملك تحمل وانا اخوك خصوصاً ان كانه شديد للحياء وممشاها يسوى الشي الكثير وشدتها رغم التعب ألا انها تبهج النفس
أما لو انك بايعها قلنا يمكن تطر للتحميل ,
وانا ما أيّدك على التحميل لكن ان كان اضطريت للضروره فحمّلها
والتحميل يضر المعشر من اربع شهور وجاي
ويضر الملاقي اللي مازل لها 15 يوم من مبركها
ويضر المفروده والحقه ان سلمن من الحرده ماسلمن من الفقار
وحنا والله نشيل ونحمل ونحمد الله ماحصل ضررً قوي .. لكن هذي نتائج لابد من وضعها بعين الاعتبار والمنجي الله سبحانه

رد: تحميل الابل للمجرب

تسلم يامشعل
مانستغني عن الطيبين مثللك انت والاخوان

رد: تحميل الابل للمجرب

ابوعمران بدر ومستوره وين مكانها بضبط لاهنت وشلون الارض هناك انت عسيتها عطنا علومها