رأيكم بالانتاج لاهنتم

بسم الله الرحمن الرحيم
السلام عليكم ورحمةالله وبركاته

اعرض لكم قعود توه مولود على احد فحول اللبل....
وش رأيكم بانتاجه؟
وامه زرقاء مغاتير



وهذي الصور بعد ولادته بيومين








2


[url=http://www.gulfup.com/?WOGfvc][/ur



3وهذي بعد ولادته بساعتين









انتظر ردودكم ورايكم يهمني

رد: رأيكم بالانتاج لاهنتم

مبروووك ان شاء الله

رد: رأيكم بالانتاج لاهنتم

ماشالله تبارك الله

كايف الله يرزقكـ في حلالك ومالك

ماعليه كلام فاخررر

وين صوره الفحــل

رد: رأيكم بالانتاج لاهنتم

خشمه طيب وله مستقبل والله يبارك لك فيه ..واذا ساسه طيب بيبدع ان شاء الله

رد: رأيكم بالانتاج لاهنتم

اخوي محمد الفحل لاستشارك احد في الانتاج عطه الراي بدون مجامله لانك اذا جاملت غشيت الرجل في اضراب الابل وراحت عليه سنه اواسنين القعود المعروض عادي او اقل من عادي ولاكن هذا ليس دليل على الفحل انتظر باقي الانتاج على الاقل 5 حيران بعدها تبي تحكم على الفحل اما مستقبل الحوار الحوار من يوم يطيح وانت عارف هو فاخر والا وسط ولا على حده ولا ردي تمنيثاتي لك بالانتاج الفاخر والتوفيق قبل هذا وذاك وتقبل مروري بصدر رحب وشكراً

رد: رأيكم بالانتاج لاهنتم

ياأخوان الحوار زين لكن لاتحكم على الحوار لانه لايبرز زين مثل زين المفرود مثلاً

رد: رأيكم بالانتاج لاهنتم

مشكورين على الردود اسعدتوني بمروركم والله لايهينكم

اخوي مساعد ماقصرت رايك يحترم وابد انا من طلب الراي

وانتظر المزيد من الاراء

رد: رأيكم بالانتاج لاهنتم

وعليكم السلام ورحمة الله وبركاته

الاخ محمد

نسأل الله ان يبارك لنا ولكم ولجميع المسلمين

القعود صوره غير واضحه

ولكن انا شفت ان القعود فيه شي عجبني

وهو عرنونه زين وخده عريض

ولا بد انا نشوف ابوه وامه وكذلك القعود تصوره صوره واضحه
حتى يعطونك الاخوان الراي المضبوط

رد: رأيكم بالانتاج لاهنتم

ارحب ياعبدالله شرفتني بمرورك

وان شاء الله اعرض لكم ابو القعود

ومازلت انتظر ردودكم

رد: رأيكم بالانتاج لاهنتم

بالنسبه لانتاج البعير بشكل عام مانقدر نحكم عليه من حوار او اثنين او ثلاثه ..
لكن اللي نقدر نتكلم فيه هو الحوار
رغم ان الصور غير واضحه لإعطاء الانطباع ولكن
الحوار مسواه فوق العادي بشوي
لحي وكسرة خشم جازت لي
باقي راسه عادي
الله يبارك لك