يالربع البكره ماعشرت وش حلها :(

السلام عليكم ورحمة الله وبركاته
اخواني اهل الخبره المتواجدين في هذا المنتدي العريق حبيت انكم تفيدوني
عندي بكره مزاين عليها سووم كبيير ( مجهم) والبكره لقيه داخله جذعه وضربناها حوالي 5 مرات والي الان ماعشرت والحل معها ايش وش اسوي بها لاني بضربها قريب مره اخرى بعد
وجزاكم الله خير

رد: يالربع البكره ماعشرت وش حلها

قطعت الصيد يمكن فيها صيد وش اسنانها

رد: يالربع البكره ماعشرت وش حلها

السنه هذي لا تقطع عنها شيء توها
اضربها وان ما عشرت وتبي تقطع عنها الصيد السنه الجايه * ثنيه * احسن لها !

رد: يالربع البكره ماعشرت وش حلها

هل العجم تيسر؟

رد: يالربع البكره ماعشرت وش حلها

فيه واحد من الجماعه شرواكم قالي لاتقطع الصيد الا السنه الجايه ان شا الله .. بس اذا ماعشرت اخيها هالسنه كذا بدون لقاح ؟ !! اخاف تحيل

نعم يا اخوي مسعود العجم تسير

رد: يالربع البكره ماعشرت وش حلها

البكره مايسرت ماجسرت ميه بالميه اصبرعليها والسنه الجايه قطع الصيد
طيب الفحل اللي يضربها وش سنه لايكون لقي اوجذع

رد: يالربع البكره ماعشرت وش حلها

مرحبآ اخوي عادل .. طيب دامها ماجسرت هل ينفع اعطيها ابرة يسره ..؟
وبالنسبه للفحل اضربتها بفحلين كبآر واحد شاق والثاني رباع
ودمتم سآلمين

رد: يالربع البكره ماعشرت وش حلها

لاتستعجل ولاتمسر البكره بكثر الضراب
البكره بتلقح دام فيها يسره باذن الله ولاياكلك بالك منها
الافضل انك تعديها للهداد الجاي واكيد فيها ذيخ او ماشابه تقطعه عنها وعلى طول تعشر
والله لايخيب لنا ولك ولكل مسلم تعب

رد: يالربع البكره ماعشرت وش حلها

تسلمون اخواني وكل من تفاعل معي والله يرزقنا ويرزقكم كل خير ياطوال الاعمار
دمتمرسالمين

رد: يالربع البكره ماعشرت وش حلها

تاكد منها لايكون حافضتها مسكره او على المبايض اكياس دهنيه اكشف عليها في الجامعه واذاكانت خاليه من ذلك وهي تجسرفاكيد فيها بكتيريا وهي اللتي تقتل الحيوان المنوى وله علاج حبوب تفتل البكتيريا في الرحم

رد: يالربع البكره ماعشرت وش حلها

تسلم اخوي عبدالرحمن لكن الجامعه بعيده عني لكن بشوف واحد متخصص من عندنا

جزاك الله خير