استفسار

يااخوان هل العايدي موديل 72 خياره وكذالك 73 وكم يسون الاثنين اذا المكينه والقير والشاص ممتازه والبدي يبي رش غماره وتانكي وتزيين وكذالك صيانه كهرب

رد: استفسار

ابو عواض
السلام عليكم ورحمة الله وبركاته
اذا كان نظيف والغمارة ما فيها صدا والشاص اساس يسوى ما بين 90 الف الى 100 ألف ريال اذا كان دفرنشه خيارة ان كان مبدل عكس في حدود 110000 ريال ان غلا واحسب تكلفة الصبغ والتانكي والكهرب بتكلف في حدود 24500ريال (( صبغ في حدود 7000 ريال شغل يد مضمون وقطع غيار غمارة حول 3000 ريال والتانكي 12000 ريال وكهربيات ما بين انوار وانبيرات وشغل يد في حدود 1500 ريال وتنجيد 1000 ريال شغل سوري ))

رد: استفسار

الله يسمع منك اذا كان ١٢٠ الف

رد: استفسار

والله يا لافي مالقيت بالقيه الي ذكرتها لقيت قوق واعيد واسلك هل ٧٢ جاء خياره ولا عكس واذا بدلته عكس هل يكسر الشيال

رد: استفسار

أخوي لافي وين رحت

رد: استفسار

لايكون أخت في خاطرك شي

رد: استفسار

والله يا لافي مالقيت بالقيه الي ذكرتها لقيت قوق واعيد واسلك هل ٧٢ جاء خياره ولا عكس واذا بدلته عكس هل يكسر الشيال

[OVERLINE]
اخوي عواض موجود بذا القيمة وبتحصل خل عنك الموجود عند الشريطية وله عندك ما يعدونه 90 ألف ريال ،،،،، اخر موديل في العايديات جاء دفرنش خيارة هو 72 واول دفعة من 73 وبعدها وردت عكس يعني دفعة ثانية من 73 وفوق مثل السقوس اخر موديل ورد خيارة اول دفعة من 80 والدفعة الثانية صارت عكس،،،،، اذا بدلته عكس ما يكسر الشيال اذا كان الحداد الذي ركبه ممتاز وعارف الشغله يوزنه بملي ،،،،،،، عذراً على عدم الرد في وقته لضعف الاتصال
[/OVERLINE]

رد: استفسار

اخوي ابو عواض
قبل مدة كان فيه اعلان عن وايت 24 موديل 76 دفرنشين ( دبل ) خيارة ( دبل في البوز مايورد الا خيارة ) قبل اسبوع وصلوا سومه 97 ألف وله ببعيد عن السومة اظن يبغى غلاق المية ببحث لك عن اعلانه وبرسله لك يمكن يناسبك ،،،،،،،

رد: استفسار

يابو عواض اترك عنك الخياره اذا كنت راعي حلال تبهذلك كل شوي تنقص عليك اشرعكس وريح راسك صح قيمته غالي لكن يريحك