أستفسار ولا تبخلون علينا بالرد

[محمد الغربي]

السلام عليكم ورحمة الله وبركاته

يا أخوان من اللي يستخدم العجينه أو قد أستخدمها في إطعام الخلفات

يقولون أن العجينه تزود حليب الخلفه وتزّين طبعها

وأنا في الحقيقه خايف من أستخدامها

تكفون أفيدونا بخبرتكم

عجينة السمبوسه....تقصد؟
اذا كانت يابسه تماما ممتازه

بالنسبه للعجينه انا ما استخدمتها

الخبز اليابس والتمر ممكن يهدي طبع الناقه

ولاكن البرسيم هو افضل علف للخلفات وهو يكثر الحليب ويزين الناقه

إن كنت تقصد عجين طازج يعجنونه العمّال فلا تكثر لها تراه يلبدها ويتخمها


أما عجين السمبوسة فلا علم لي به إلا أن أحد الأصدقاء أطعمه الفحل وودع ثاني يوم عسى الله يخلف علينا وعليه


تحياتي للجميع

العجينه خطرها اكبر من نفعها لانه زودها خطر والخميره فيها اخطر والخبز والتمر هي اللي تزين نفس الناقة والمقارد لها

كيف حالك اخوي محمد

اذا انت تقصد عجينة القام البل (( طحين + شوار ))

فهي زينه انا جربتها للخلفات مع البرسيم فقط

ما اعطيها شي غيره فأنت رتب لها طعامها

يصير البن خفيف وواجد ورقوته زينه

وما زاد عن حده ضر

اترك العجينه لانها تحمر الناقه

وعليك بالبرسيم والشوار

وتشوف العجايب

السلام عليكم
عليك بالقت. وكن لك مقدرة خلة ناقع في معلفها. يعني تاكل لين تخليه وراها وعقبة ابشر باللبن الحلو والواجد.
والشوار يكثر اللبن بمشيئة الله. لكن كن راعيك ماهوب جيد فراح يخرب حلاة اللبن لأنه راح يبقى في ديدها و بيملح.
واذا ماطهر ديدها من اللبن راح يضرها.

هذا وسلامتك

اخوي الكريم لا هنت ولا يهونون الاخون جميع بالنسبة للخلفات عليك بالبرسيم وبالنسبة للشوار (النخالة ) صحيح يزيد الحليب لكن يقل حلاة
وسلامتك