رايكم بسرعه

يالربع عرض علي ناقه صفرا معشر راسها طيب ورقبتها ولونها معشر بثالثها بس عجور تحلب بالقيد ومعشر علئ ولد بعير ابن غصين عطوني رايكم بسرعه وعدت راعيها اعطيه السومه بكره الصبح عجلو علي يا اهل الابل

رد: رايكم بسرعه

بسرعه ياهل الابل قبل لاتروح الناقه

رد: رايكم بسرعه

لازم تعرض الصوره ومن خلالها يتم تحديد السعر التقريبي

رد: رايكم بسرعه

10000

رد: رايكم بسرعه

ما اعرف انزل الصوره

رد: رايكم بسرعه

أولاً / الله يكتب لك الخير انت وراعيها وكل مسلم ..
ولاتعرض صورتها ممنوع تعرض صورة حلال غير ملكك ولم تستأذن من مالكه .
ثانياً / وش نقدر نفيدك به ..؟
ناقه معشر طيبه عجور صفرا
هالكلام مايجيب نتيجه ,

تقبل مروري

رد: رايكم بسرعه

سبق احد الاعضاء عرض ناقه وبكره عرضت عليه وطلب الاستشاره ونزل الصور وهي غير ملكه وهي الان موجوده في المنتدى لم تحذف وينك عنها يا مشعل وانا عضو اطلب المشوره منكم وبعدين توصيفي لناقه والمعلومات الي ذكرتها يستطيع راع الابل ان يقيم الناقه وانت بصفتك المشرف يصير اول واحد يقيم الناقه بدال ما تحذرني من شي ماسويته اتمنا ان تخذها بصدر وسيع من ابنك حمود

رد: رايكم بسرعه

الحمد لله شيرت الناقه منت الله ولا منت خلقه

رد: رايكم بسرعه

سبق احد الاعضاء عرض ناقه وبكره عرضت عليه وطلب الاستشاره ونزل الصور وهي غير ملكه وهي الان موجوده في المنتدى لم تحذف وينك عنها يا مشعل وانا عضو اطلب المشوره منكم وبعدين توصيفي لناقه والمعلومات الي ذكرتها يستطيع راع الابل ان يقيم الناقه وانت بصفتك المشرف يصير اول واحد يقيم الناقه بدال ما تحذرني من شي ماسويته اتمنا ان تخذها بصدر وسيع من ابنك حمود

جزاك الله خير
حنا في هالمنتدى لافرق بين مشرف وعضو جميع التعليمات يجب أن نتعاون على تطبيقهاا
ويجب أن نكون عوناً لبعضنا للنهوض بمنتدانا الذي وُجد لخدمت موروثنا الاصيل ..
وانت تطلب المشوره وحنا حاضرين باللي نقدر عليه
لكن مانعطي مشورتنا وراينا ألا على بيّنـــــــه وشي واضح قدامنا ولو صور ..
انت تقول ناقه كفو ألا انها عجور
ياتراها الكفو أم 1000000
أم اللي تسوى نصف مليون
أم 100000
أم 30000 ؟!
ام كفو عندك أنت , والعكس صحيح ؟!
...
ارجوا منك التركد وانا اخوك
والان تقدر تعرضها وتاخذ راينا بعد شريتها
ولو اخذت الاذن من صاحبها وعرضتها عطيناك راينا
ولو شاورتنا عليها بالخاص أو الجوال وهي عند راعيها عطيناك رايناا
..