شوركم بالقعود المفرود

السلام عليكم ورحمة الله وبركاته


ابي شوركم يالربع بالقعود هل يصلح فحل للبل او لا
مع العلم انه مفرود وانه من اباعر الامير عبدالعزيز بن سعد


















ولكم جزيل الشكر

رد: شوركم بالقعود المفرود

وعليكم السلام ورحمة الله وبركاته

هلا اخوي عبد العزيز

الله يرزقك بأطيب منه

ومن شاور ماخاب القعود راسه مهوب زين وإذنه مرتكزه

مايستاهل انك تصبر عليه أربع سنين عشان تشوف انتاجه

مايصلح فحل

الله يرزقك بأطيب منه

رد: شوركم بالقعود المفرود

مشكور اخوي وبيض الله وجهك وما قصرت

رد: شوركم بالقعود المفرود

وعليكم السلام ورحمة الله وبركاته

الاخ عبدالعزيز

نسال الله ان يبارك لنل ولكم

بالنسبه للقعود ما يصلح فحل بالمره

شف لك قعود غيره والقعدان الطيبه واجد

رد: شوركم بالقعود المفرود

وعليكم السلام ورحمة الله وبركاته

الاخ عبدالعزيز

نسال الله ان يبارك لنل ولكم

بالنسبه للقعود ما يصلح فحل بالمره

شف لك قعود غيره والقعدان الطيبه واجد

بيض الله وجهك اخوي عبدالله .... وماقصرت عزالله كفيت ووفيت ولاقصرو الاخوان

رد: شوركم بالقعود المفرود

القعود مايصلح فحل اصبر على قعود يستاهل هذى 4 سنوات ماهي بسيطه

رد: شوركم بالقعود المفرود

السلام عليكم

انا اضم راايي للاخوان القعود ما يصلح مره

والفعود ان كانه مهوب على ساس عرضه للقصاب

رد: شوركم بالقعود المفرود

بيض الله وجيهكم يالربع .... وماقصرتو
الله يرزقنا وياكم ,, ويرحم والديكم

رد: شوركم بالقعود المفرود

لا والله مايصلح ابد ،،

دورك على فحل غيره

رد: شوركم بالقعود المفرود

القعود زين لين تاصل الراس ..
الراس ( صفر ) ردي بالحيل ولافي عطايا الله ردي ..
لاتتعب عليه .. ولاتنغر بأصله
اكثر ماينغشّ بالفحول الأمراء !!!

..

تقديري

رد: شوركم بالقعود المفرود

القعود زين لين تاصل الراس ..
الراس ( صفر ) ردي بالحيل ولافي عطايا الله ردي ..
لاتتعب عليه .. ولاتنغر بأصله
اكثر ماينغشّ بالفحول الأمراء !!!

..

تقديري

+1

رد: شوركم بالقعود المفرود

مثل ماقال مشعل كل فيه زين إلا راسه والي أعجبني فيه رقبته سبحان الله الكامل وجه

رد: شوركم بالقعود المفرود

حسب خبرتي البسيطه
مايصلح فحل بالمره وخساره تكد عليه اربع سنوات شعير

رد: شوركم بالقعود المفرود

الله يرزقك با طيب منه
...
......
غير صالح للهداد

لعدم وجود صفات الفحل المطلوبة شكلا

......
....
..
.