استشارة حول الفحل الي يرفع من مستوى الإبل

السلام عليكم

يالربع عندي صديق عزيز علي وشرا حول 17 مابين صفرا وشعلا والإبل عاديه جداً وسئلني وما قدرت اجاوبه وقلت بكتب لكم وأتمنى ألقى الإجابة وادري منتو مقصرين معاي

يقول أذا شريت فحل أوضح الإنتاج يطلع وضح ولا على لون الأمهات وإذا شريت فحل طيب هل يرفع من مستوى الإبل وهو يبي ينتج ابل بدوية طيبة وأي فحل مناسب لهن وميزانيته حول 50 - 60 ألف ريال

رد: استشارة حول الفحل الي يرفع من مستوى الإبل

وعليكم السلام اخ مفلح

الفحول انواع فيهم اللي يجيب على لونه وفيهم اللي يحيب على لون الناقه
والابل ودك لون فحلها نفسها او يقاربلها
والرجال اذا وده يزين ابله بالانتاج يتعب على اهل البعارين الطيبه
اما 50 الف و60 الف ريال صعب تلقا فيها فحل يغير ابل عاديه

رد: استشارة حول الفحل الي يرفع من مستوى الإبل

انشاء الله راح يلقى فحل طيب بالقيمه 60 بس يمكن هرش خله يدور قعود ويصبر عليه او يضرب على فحول طيبه ويقلب ابله انشاء الله
بس اذا اضرب اوضح راح تكون اول بطنه مابين شقح وضح ونفس لون امهاتها

رد: استشارة حول الفحل الي يرفع من مستوى الإبل

بالنسبه لشعل راح تنتج من الاوضح وضح بنسبه ٨٠ بالمئه

رد: استشارة حول الفحل الي يرفع من مستوى الإبل

دورلك باكستاني وهجن معاه ويتجيك فرديات ومحد درا عنك

رد: استشارة حول الفحل الي يرفع من مستوى الإبل

دورلك باكستاني وهجن معاه ويتجيك فرديات ومحد درا عنك

+1

أضم صوتي معك

رد: استشارة حول الفحل الي يرفع من مستوى الإبل

الي فيها عرق باكستاني بينه لاهي لمها ولا لبوها لا لون ولا شكل

رد: استشارة حول الفحل الي يرفع من مستوى الإبل

وام رقيبة مليان منها ولحد درا عنها والرجاجيل ينسبوها لفحولهم ^^ !!!

رد: استشارة حول الفحل الي يرفع من مستوى الإبل

الباكستانيات شكلها واضح يطلعها أي واحد !!
ولا انصحك بالتهجين

رد: استشارة حول الفحل الي يرفع من مستوى الإبل

والله يالربع انه مابي التهجين ولا انصح فيه اكذب على نفسي قبل لا اكذب على الناس .. وهو يميل إلى الوضح ويقول اشتري فحل طيب ينتج ابل ترفع من المستوى مو مزاين أو نوادر وأنا شرت عليه يشدد أبله إلى السعودية ويضرب نياقه على فحول طيبة

رد: استشارة حول الفحل الي يرفع من مستوى الإبل

وام رقيبة مليان منها ولحد درا عنها والرجاجيل ينسبوها لفحولهم ^^ !!!

معن ممكن تذكر لنا بكار في ام رقيبه او مشاهير نسبوا التهجين لفحولهم

رد: استشارة حول الفحل الي يرفع من مستوى الإبل

السلام عليكم

شلونكم شخباركم

احصل فحل انتاجه طيب ب ٦٠ ألف حتى لو كان هرش

رد: استشارة حول الفحل الي يرفع من مستوى الإبل

شف وانا اخوك
به واحد من ربعنا شرى له جمل طيب شكل واصل ب23000مع بنته زينها مقبول حقه ب12000
واظربه ابله وضح وانتج انتاج احلا من بنته الاوله واظربه وانتج انتاج فاخر ولاكن انه شرى له نياق طيبه اظهرن البعير وباع الجمل ب600،000
وانا ابي اشور عليك تشري لك فحل او قعود طيب اصل اصل اصل بتلقاه باقل من الاقيام هاذي واصبر عليها ولا تعتمد عليه كليا خذ لك خمس او اكثر ودور لك فحل منتج فرديات ونوخ للفحل والله مايخيب رجاك
وابي اضيف نقطه اكثر الفرديات امهاتا شعل

رد: استشارة حول الفحل الي يرفع من مستوى الإبل

الفحل النادر لو فرضنا انه توفر عنده صعب ينتج في 17 ناقه عاديه

انا ما انصحه يخسر نفسه في فحل هرش كدوه الرياجيل وياخذه بقيمه غاليه

ويمكن مايكمل معه موسم او موسمين

انصحه يشتري 5 ابل نقاوي ويضرب عن الفحول الطيبه ويبيع اباعره الحاليه لان مانها فايده ..


وانا اشو اكثر الناس يركزون على الفحل في الانتاج ويتناسون دور الناقه


الناقه لها دور كبير بالانتاج ..وغلطان اللي يشتري البل العاديه ويدور الانتاج الفاخر

يبي له اربع خمس بطون حتى يتعدل انتاجه

رد: استشارة حول الفحل الي يرفع من مستوى الإبل

الفحل النادر لو فرضنا انه توفر عنده صعب ينتج في 17 ناقه عاديه

انا ما انصحه يخسر نفسه في فحل هرش كدوه الرياجيل وياخذه بقيمه غاليه

ويمكن مايكمل معه موسم او موسمين

انصحه يشتري 5 ابل نقاوي ويضرب عن الفحول الطيبه ويبيع اباعره الحاليه لان مانها فايده ..


وانا اشو اكثر الناس يركزون على الفحل في الانتاج ويتناسون دور الناقه


الناقه لها دور كبير بالانتاج ..وغلطان اللي يشتري البل العاديه ويدور الانتاج الفاخر

يبي له اربع خمس بطون حتى يتعدل انتاجه

100%