اللقي بعد سهيل

السلام عليكم ورحمة الله وبركاته
تحيه طيبه للجميع هل القعود اللقي
الي جرمه كيف وهايج من يومه حق يلقح
البل

رد: اللقي بعد سهيل

عليكم السلام
لاتهده ألا جذع ..
اما كانه الان لقي وسهيل يدخل جذع فهده لاطلع سهيل ..لإنك تقول اللقي بعد سهيل
اما كان قصدك انه حق ويدخل لقي طلوع سهيل فـ اقول خله في مربطه

رد: اللقي بعد سهيل

اللقي مايلقح سوا شتوي ولاصيفي عيد عيد الاضحئ وهد بعيرك

رد: اللقي بعد سهيل

حتى جذع لا تهده اول الهداد !
خله نهاية الهداد احسن والضراب تراه يكسر به

رد: اللقي بعد سهيل

فحل البل لقي العام والابل اربعه ولدت هالسنه ذي والفحل باقي جذع ولا بعد شلع ثني هده والحمدلله لاكسر عظمه ولاشئ الفحل جذع هالسنه وياشفته تقول ثني وهو باقي جذع الى هالحظه عسى الله يطرح البركه واللي يقول ان اللقي مايعشر مخطي البل ماهي سوا وهذا من انتاجه هالسنه والفحل باقي جذع الى هالحين يعني العام القح لقي

رد: اللقي بعد سهيل

السلام عليكم
اللي متعارف عليه اهل الالبل انه ما يهدون القعود الا جذع،،
لكن في ناس هدت وهو لقي ولقح وكلها توافيق الله سبحانه
والله اعلم السبب اكل القعود او البعير هو السبب في عدم التلقيح
وفي بعد شي من يعاني من ضعف تلقيح القعود او البعير في فيتامين E بودر
هذا الفيتامين طبيا يقوي اجلكم الله الحيوان المنوي ويزيده للبعير او القعود

رد: اللقي بعد سهيل

اللقي مايلقح الله يهديك حنا وعينا مع الابل وحنا ب٨ سنوات ما شفنا بعير اللقح لاعندنا وعند غيرنا وبعدين مالها داعي كلمت مخطي يعني الشياب اللي عندي مخطين كلهم انت مشرف تعامنا كيف توضيح وجهات النظر موب تخطي الناس ومع كذا عميت ان اللقي يلقح وهذه اول مره اسمعها وبعديد الجذع الصيفي مايلقح في اول الهداد كيف عاد اللقي

رد: اللقي بعد سهيل

السلام عليكم
الله يهديك يا اخوي حمد انا مااقصد شئ يوم اقول مخطي وشيبانك وانت لكم الحشيمه والتقدير وانا يمكن اني خاني التعبير
وفحل الابل القح العام في شهر 3/1433 وانتج هالسنه يارجال في 3/1434 والبكره اللي فوق اول انتاجه وانتهى الضراب
هالسنه وماشلع ثني الى هالحظه يعني جذع باقي وش تسميه انت وش كبره الفحل هالحين اذا منت مصدق تعال الى الابل وتذكرت الطياره
على حسابي ومحفول ومكفول واتشرف فيك انت ومن يقراء الموضوع عندي في حائل وتشوفه بعينك الفحل جذع وتكون في الصوره
ان اللقي يلقح بأمر الله عز وجل وشكراً لك واسف على الخطاء ونتعلم منك طال عمرك

رد: اللقي بعد سهيل

شوف اخ عادل لبد ان وجهات النظر تختلف لكن ثق تماماً انها تبادل اراء ليست ترفع ناس وتنزل ناس وانا سيعد حينما ناقش موضوع فيه اختلاف لكي نتبادل الخبره منك انت تحديداً وأنت مشرفنا ونحطك على روسنا من فوق