المفرود الحمر ...... عطني رايك

هذا مفرود راده راعيه فحل ويبغى يشوف رايكم

http://www.youtube.com/watch?v=x6k7W...eature=mh_lolz

رد: المفرود الحمر ...... عطني رايك

راسه طيب. مبروك الله يبارك فيه

رد: المفرود الحمر ...... عطني رايك

ماشاءالله لا باس فيه القعود حلو،
،،الله يباركله له ويقنيه من بركته،،

رد: المفرود الحمر ...... عطني رايك

الله يبارك له
القعود مايصلح فحل وجهة نظر خاصه ..
لأسباب :

قصير عظم ,
صدره مدنّ شوي ,
شاكلته نازله ( بطنه مرتخي كنه بطن لقحه ) ولارقاه حال بيجي لحيم ويغطّه اللحم ( والله اعلم )
المشرب ( فيه ملاحظه بسيطه )
..
بوجه عام القعود فيه مواري زين واضحه بلا شك ..
ولكن زينه زين بكره , والفحل ماهو سهل , واللون بين الشعال والحمار
ولايفحله ألا كان اصله طيب جداً
أو انه راعي منايح ومقاني بيهده وسطهن ويرتاح

رد: المفرود الحمر ...... عطني رايك

القعود يربط
إن كانت أمه أصل ( مقنوية وزود ))

وابوه فحل ساس وراس وانتاج


.....
...
.
لأنه في هذه الحالة يتظهر القعود ولاهوب مردي بإذن الله

أما إن نقص شيء من اللي قلته

....
..
رأي لاتتعب عليه


..................
القعود عيبه اللون ولاهوب سناد الغارب الرقبة جلال
وأتوقع منه اللحامة

جنب القعود طيب وله عرنون مهوب شين معطي لراس القعود شكل

.....


يعلم الله أنه لو كان لي ما مسكته فحل
......




..
وجهة نظر........والله يبارك لنا ولكم


...
...

رد: المفرود الحمر ...... عطني رايك

من حيث الشكل بعيدا عن الاصل اللي انت ابخص به
القعود لحيم وراسه صغير ولا هو سناد
ماهو القعود اللي ينتعب عليه
تقبل تحياتي

رد: المفرود الحمر ...... عطني رايك

اخوي الغزيز السلام عليكم ورحمة الله وبركاته اذا كانت ام الحوار طيبه وابوه طيب فحله والزرق على الله سبحانه

رد: المفرود الحمر ...... عطني رايك

القعود عليه مواري زينه وانتقاد البعض في محلها لاكن القعود كل مايكبر يبين زينه اصبر عليه( لحق ) وانت بتعرف

وذا ساسه طيب خله . وذا عليه سوم طيب بعه ...