استفسار عن فحل الامير سلطان بن محمد

السلام عليكم ورحمة الله وبركاته

سبق وأن نزلت استفسار وطلب رأيكم في الفحل على الرابط التالي:

http://www.mzayan.com/vb/showthread.php?t=50724

ولقد وصلني خبر ان الفحل اللي عندي على عليان فحل الامير سلطان بن محمد حفظه الله وليس على تمام

ولقد تم الإتصال على عامل الامير سوداني الجنسية هو المسؤول عن القعدان لتأكد من ساس القعود ويقول انه على عليان وان الامير سلطان بن محمد لا يوجد عنده تمام

هل صحيح أن الامير سلطان بن محمد لا يوجد عنده تمام

رد: استفسار عن فحل الامير سلطان بن محمد

السلام عليكم

الله يباركلك فيه ويقنيك من ابركته،،

الفحل عليان حسب اللي قريت عنه انه ابو فردي المهيلب،،

يعني شب ضوك وتأمل خير،، بالفحل ولا يهمك شكله لأنه انتاجه يحكم انه على معمق وساس طيب،،

اما تمام واللي على تمام ما عندي علم فيه،، اذا الامير ماسك منه شي،

رد: استفسار عن فحل الامير سلطان بن محمد

جزاك الله خير .... القحل هديناه في البل وهي لقحات عليه والله يطرح فيه البركه

رد: استفسار عن فحل الامير سلطان بن محمد

ياربع ابعرف ساس ومعمق عليان فحل الامير سلطان بن محمد من وبن ساسه
اللي يعرف لايبخل علي جزاه الله خير

رد: استفسار عن فحل الامير سلطان بن محمد

هذا الفحل

أضن ساسه رمان
هذي فراسه مني!!!!1

لكن أنت هديت الفحل ...واللي بالبير يضهره الدلو


.....
...
البعير على ساس وما فحل إلا ان امه طيبه وساسه طيب

......

وأنا أقول لك همسه من ناصح
أضرب بعير غير البعير هذا أول الوقت
لين يجي الانتاج وإن شفت الانتاج مشجع...هد الفحل هذا
..

.
.والبفحل مافيه ما يشجع على التمسك فيه
لكن في رجا الله...والله يطرح لك البركة

...
..
.

رد: استفسار عن فحل الامير سلطان بن محمد

اشكرك اخي عزيز الحميدي على المرور الكريم وعلى النصيحة
لكن عندي فحل على رمان ماشكله شكل الفحل أعلاه
وعلى قولك الفحل وديته لم المزرعه وابخليه لين اشوف انتاجه
يمكن انت اعلم الفحل مايحكم عليه من اول انتاج
الفحل رمان اول انتاجه وسط وثاني انتاج بكار مكحلات وحلوات وثالث انتاج بكار رخم ( برده ) وحلوات يعني تغير انتاجه
لكن ما فدتني عن ساس عليان فحل الامير سلطان بن محمد هل هو برمان أو لا

رد: استفسار عن فحل الامير سلطان بن محمد

بحث في قوقل عن الفحل عليان وحصلت معلومه أفادتني كثير



اعرض لكم اخواني الكرام
عليان من فحول ابل سمو سيدي الامير سلطان بن محمد بن سعود الكبير حفظه الله ورعاه

- اصله ولد عليان بعيراً كان عند سمو الامير سعود بن محمد ( اصله من ابل مطلق بن صاهود السبيعي رحمه الله )
- ام البعير ناقه الشيخ عبدالله بن ماجد الدويش حفظه الله ( سبق ان روالي الاخ الكريم سعد بن دهيمان السبيعي بان مالها شكل رقم واحد )
- وهو انتاج عند سمو سيدي الامير خالد الفيصل بن تركي حفظه الله
- اهدي مع امه لسمو الامير سلطان بن محمد عندما كان حوار .

رد: استفسار عن فحل الامير سلطان بن محمد

الحمد لله على توفيقه لك


وبارك لك فيما أعطاك




..........
..
أنت كان ودك بعير على تمام وهالحين جاك عليان


...
اما شكله الصورةالأوله

لو ترده لي اقولك شكل رمان





...

وما دام ان انتاجه مشجع
ومبشر بالخير

فانت تستاهله

وهذا من الله

وما هو من من خلقه


وموفق ياخوي

رد: استفسار عن فحل الامير سلطان بن محمد

جزاك الله خير أخي عزيز الحميدي
نعم صحيح كان ودي بفحل على تمام لكن القدر جاء لي بعليان والحمد لله على ما أعطي

رد: استفسار عن فحل الامير سلطان بن محمد

الاخ سالم الغانم السلام عليكم ورحمة الله وبركاته يامهناجاك ماتمنا بنسبه لتمام وعليان كلهن واحدومصدرهن ازمول مطلق ابن صاهودرحمه الله وكلهن يرجعن فى عويجين امامناحية الامهات انعم واكرم كلهن نوادر ام عليان بنت رمان الجبعا وام تمام الرهيفه وامها بعدبنت رمان الجبعا والله يباركلك فى حلالك وامالك

رد: استفسار عن فحل الامير سلطان بن محمد

جزاك الله خير أخي سعد الرميح
شاكر مرورك العطر

رد: استفسار عن فحل الامير سلطان بن محمد

السلام عليكم .... انا سمعت ان عليان فحل الامير سلطان بن محمد على الهدب وسمعت الكلام من ناس قريبين من الامير والله اعلم

رد: استفسار عن فحل الامير سلطان بن محمد

فيه مقابلة مع الامير بقناة الصحراء اذا ما كنت غلطان

وتكلم الامير عن ساس عليان وكان البعير موجود بالفيديو

رد: استفسار عن فحل الامير سلطان بن محمد

نعم صحيح فيه مقابلة وتكلم الامير عن ساس عليان
والحمد لله الفحل انتج انتاج طيب من ابل بداوه ..كيف لاطب ابل طيبه