اللي عنده العلم يفيدنا وله الاجر من الله

السلام عليكم
اخواني الكرام
شديت من مقياضي قبل فتره
وخليت قعود عمره لقي يضرب هالسنه او الجايه لأنه يتقاشر مع الفحل
المهم القعود شانت حالته جدا وقل اكله وشان خاطره واللي يشوفه يقول مريض
بعد ان كان صحيح وبدين
وش الحل وهل مرت هذي الحاله على احد من الاخوان

بسم الله الرحمن الرحيم

حياك الله اخوي : سعود

بالنسه لانك خليته بروحه ممكن يكون سبب إذا كان هو المقصود
انا عندي قعود ان ربطه والأبل اسرحت ما ياكل لين تجي الأبل وفنس عمر القعود الي عندك
وان هديته مع الأبل تقاشر مع الفحول الثانيه .

وهذي مشكله والله يعينك ويعينا عليهااا
اشكر مشاركت
اخووك :

السلام عليكم

مثل ما قال اخوي محمد يمكن اللي شين حاله يوم خليته بروحه
قرب شبكه وتشوف الفرق بأذن الله

مثل ما قال اخوي محمد يمكن اللي شين حاله يوم خليته بروحه
قرب شبكه وتشوف الفرق بأذن الله

الاخ سعود ابشرك ان قعودك مافيه الا العافيه والحاله اللي انت شايف فيه من الهياج
القعود هايج والبعير الهايج ما يتواطن هو واي بعير ثاني في امهاته
وطبيعي انه ماياكل ولا يركد في محله بعد

مع راشد العرق فتره وتعدي

مثل ماقالوا اخواني ولازياده

الاخ سعود

انت جرب هالشيء فكه مع البل اذا كانت البل قريبه منك وشف كيف يتغير

وهذي الحاله حصلت معي

بس اذا كان القعود الثاني مع البل فكه (بالقيد) الأثنين وخل كل واحد بقيده لأنه يخفف من حده الشجار

واذا البل بعيده حاول انك تطلق القعود في شبك طليق بدون قيد او حطه مع ابل ثانيه

عشان يلقاا انيس

هذا والله اعلم

[فهد لسود العجمي]

مرحبا اخوي ترى البعير يمكن في بطنه بلا فيه ابره عند الصيدليه تزين وبرته وترجعه مثل مكان انشاالله واتمنى اذا مفاد علمني علساس اجيك واشوف البعير لن عندي خبره في طب البدو لا ابي اقولك شي خاف ماهو من صالحه الا لين اشوفه وسلامتك وارضاك
هاذا رقم جوالي اتمنى ان تردلي خبر0554939697

مع الأخ راشد العرق
البعير ما فيه إلا العافيه

نفس الراي مع الاخوان الي قالو رده مع البل

لانها حصلت مع عمي ورد القعود مع البل وزان حاله ورد لطبيعته

الله يعينك والفحول يبيلها صبر ومشاكلها واجد وقت الهياج وخاصة ان كانت اكثر من واحد

مشكورين وبيض الله وجيهكم ابشركم تحسنت حالة القعود وتعود على المراح لحاله