رايكم يمهمني

مساكم الله بالخير ومبارك عليكم شهر رمضان
ياهل المشورة ابي رايكم بالقعود من حيث الشكل
ودي اللي يبدي رايه يفصل النظر فيه للاستفادة
والكل يكمل البعض ورايكم يهمني
ومن استشارك دخل في ذمتك

رد: رايكم يمهمني

يا مرحبا بك يا فهد

الله يرزقك باللي اطيب منه ان شاء الله

رد: رايكم يمهمني

مساك الله بالنور والسرور مبارك علينا وعليك

اما القعود فالصورة مهيب واضحه بس تكفي

انت دخلت فالذمه القعود ظهره مهوب زين ولا له غارب ورقبة ماعجبتني

والشكل كامل مايصلح فحل الله يرزقك بأطيب منه

والعذر والسموحه

رد: رايكم يمهمني

جزاك الله خير اخوي عايض واخوي محمد
ورايكم محل التقدير والاحترام وعلى العين
والراس وبيض الله وجيهكم

رد: رايكم يمهمني

رأيي تدور اطيب منه ...
القعود ناقصه أمور واجد فالزين
منها الوسر ه
ومنها الراس حيث راسه رأس بكره بدويه
منها الرقبة مافيها رهى ولا رق
يعني القعود اشوف انه ماينهد
الا في حالة ان ابوه قوي وأمه طيبه
ففي الحاله هده في ثلاث شوف انتاجه
.....
وأنا اشوف ان الصفر اليوم زينها واجد
كذلك الشعل
وليس من الصعب ان تشتري اطيب من ذا بمراحل
وجهة نظر

رد: رايكم يمهمني

بيض الله وجهك يا البرقاوي ورأيك يهمني
من غير قصور بالإخوان
شورك وهداية الله
ابوه طيب شكل وساس وإنتاج وامه بدوية نظرة
وعلى الطبيعة افضل وهو توه حق يدخل لقي
شهر واحد السنة القادمة ان شاء الله تعالى

رد: رايكم يمهمني

[frame="4 10"]
[ALIGN=CENTER][TABLETEXT="width:100%;background-image:url('http://www.mzayan.com/vb/backgrounds/24.gif');background-color:darkred;border:1px double blue;"][CELL="filter:;"][ALIGN=center]البعير اقل من عادي وانا اخوك ولا يرجا منه ششي كفو البعير راسه صغير تقول راس بكره والرقبه قصيره والعظم دقاق والسنام منتصف ظهره يعني بشكل عام مايصلح فحل [/ALIGN][/CELL][/TABLETEXT][/ALIGN]
[/frame]

رد: رايكم يمهمني

اصبر علية الله يعينك اعتقد ساسة تمام

رد: رايكم يمهمني

مرحبا يافهد من ناحيت الزين مافيه زين

مافيه شي يشفعله لا راس ولا رقبه ولاعمر

الله يرزقك بطيب الي يسرك

رد: رايكم يمهمني

ببض الله وجيهكم وافين وعلمكم غانم
ورايكم محل التقدير والاحترام

رد: رايكم يمهمني

الكلااااااام على الانتاج

الله يوفقك

رد: رايكم يمهمني

هلاااااااء بك اخوي فهد
الله يرزقك باللي آطيب منه