شوركم بالضراب ياهل البل .. والحيران

السلام عليكم ورحمة الله وبركاته

مسيتو بالخير جميع

يالربع عندي استفسار .. مع حيران اعمارها 6 شهور وسبع شهور وسهيل تبين وجاء وقت الهداد وش السوات يالربع اضرب البل واخلي حيرانها معها والا افرد عيالها .. اشيرو علي بالشور الزين .. علماً ان الفحل اللي بضرب عليه ماهو عندي عند جاري وابي البل بأذن الله تعاشر على البعير .

وبيض الله وجيهكم جميع

رد: شوركم بالضراب ياهل البل .. والحيران

السلام عليكم باختصار ضرب الابل واكرمها

رد: شوركم بالضراب ياهل البل .. والحيران

وعليكم السلام ورحمة الله وبركاته

الاخ عبدالعزيز

الحين ما يقالها حيران اذا ظهر سهيل تسمى مفاريد
والوقت ذا طال عمرك تعزل المفاريد وتعلف امهاتها
عشان تجسر الناقه

واللي ولدها حدرها ويلهجها قليل الجسره فيها ولا تعشر على سيره

والناقه الضعيف واللي حالها ماهوب زين ما هي مثل الناقه السمين
اللي تجسر على طول واللي اذا اضربها الفحل تعشر على طول

ونسأل الله لنا ولك ولجميع المسلمين البركه

رد: شوركم بالضراب ياهل البل .. والحيران

اخوي عبدالعزيز قدم على المفاريد
واكرم امهاتها وانشاء الله بتياسر

رد: شوركم بالضراب ياهل البل .. والحيران

افرد عيالها يمال الشحم وكثر لها العلف من برسيم وشعير اسبوعين وتشوف اليسره اما اذا تبي الحليب شئ ثاني

ورائيي ليه ما اضربت النياق يوم كانت توها خلفات كان يمديها الان متالي حول الولاد يوم تفرد ولدها عنها الا هي متلي

هذا سواتي بالنياق ولا شفت فرق الا بقله الحليب مايذكر اما بالنسبه للحيران ما عليها ملاحظات من ناحيه الحال او العظم

او الامراض نياقي الشهور اللي فاتت خلفات ولقحات كسوب متالي الان بعت عيالها والحمدلله على توفيقه

رد: شوركم بالضراب ياهل البل .. والحيران

ماتعاشر وعيالها معها الا اخر الموسم
اعزل عيالها واكرمها تغانم الوقت وريح راسك

رد: شوركم بالضراب ياهل البل .. والحيران

رحم الله والديكم جميع

رد: شوركم بالضراب ياهل البل .. والحيران

اعزل الحيران في الشبك وضرم الابل شعير+ رودس الاسبوع الاول على شان ديوس الابل ماتنحشر حليب . وبعد 8 ايام شعير وبرسيم وتشوف الجسرة . وفك الفحل ..


عسى الله يرزقك بالانتاج الطيب..