هل يصلح القعود فحل

القعود جده كحيلان فحل ابن غصين وكحيلان الهرش اللي مات عند الطهيمي ابو الكنق يكون ( عمه )
وأمه وضحا خيار لكن فيها قصر هل يصلح فحل

ماهي ملاحظاتكم على القعود
سنه مفرود

رد: هل يصلح القعود فحل

عطنا اكثر من صوره

رد: هل يصلح القعود فحل

بعدين تراء ابو الكنق هو اللي عند ابن غصين ا
وشاريه الطهيمي من ابن غصين وابو كحيلان ماهو عند ابن غصين الله يرحمه

رد: هل يصلح القعود فحل

اصله يفحله
والله يبارك لك وبيزين اكثر أن شاءالله

رد: هل يصلح القعود فحل

اخي محيميد
اخي ساجر
شاكر مروركم العطر

حالياً ليس لدي صور غير هذه الصورة

أخي محيميد القعود ابوه هرش على كحيلان وهو اخ لكحيلان فحل الامير عبدالله بن خالد
الرجال يقول أنه عمه الهرش وأنا أقول أن كحيلان الطهيمي يكون جده
هذا والله اعلم
لكن أعطوني المميزات الزينه والشينه للقعود حسب الصورة

رد: هل يصلح القعود فحل

القعود اصله طيب ويفحل وعندي ملاحظه علي السنام متقلط اشوي

رد: هل يصلح القعود فحل

القعود طيب

ولكن سنامه متقلط وغاربه قصير

والله يبارك لك فيه

رد: هل يصلح القعود فحل

اخي سالم.

القعود مبروك . الصوره اللي امامي عليها ملاحظات حسب نظري.
اولاً: السنام متقدم بشكل كبير .
ثانياً: الراس صغير والخد قصيف .

هذه الملاحظات واضحه للكل وهي ملاحظات لايجب ان تكون في الفحل . مهما كان اصله لأن الانتاج لأبد يكون للأب النصيب الأكبر في الانتاج . ولو هذا القعود عندي لايمكن افحله اطلاقاً مهما كان ساسه!

هذا عن الملاحظات السلبيه ..

الماحظات الزينه . عرقوبه طيب بالحيل.. لكن هذا لا يشفع له ان يكون فحل ..



هذا رايي بكل امانه. وانت لك نظرتك وقرارك..


بالتوفيق...

رد: هل يصلح القعود فحل

أخي جمل القحطاني
أخي سعيد فهيد
أخي سلطان المرزوقي

جزاكم الله خير الجزاء

رد: هل يصلح القعود فحل

اذا امه طيبه وخواته من الفحل طيبه هده
واما بالنسبه لشكله فيه ملاحظات لكن
ماتعذربه انا لو في مراحي أفحله
والله يوفكم

رد: هل يصلح القعود فحل

جزاك الله خير اخي فهاد الشاهين
ام القعود طيبه وخيار وخواته فيها خيار وفيها وسط بيع من خواته على 200000 و 190000 و 80000 و 75000
صورة اخرى للقعود

صورة ام القعود

اخت القعود مشريه على 75000 وتسام حالياً بــ 110000 ألف

رد: هل يصلح القعود فحل

القعود طيب ولا يلحقه كلام

وسرته حلوة وانا متأكد انه في الطبيعة احلى من الصورة

ومادام عموقة طيبه هده وتوكل على الله

والله يوفقك ويرزقك

رد: هل يصلح القعود فحل

جزاك الله خير اخي شجاع الاكلبي
صحيح على الطبيعة احلى من الصورة وفي الممشى يمغط رقبته ( منتله )

رد: هل يصلح القعود فحل

اصبر على قعودك



أصل طيب وشكل مقبول.. والوجه يبي يجيك بزود بمشيئة الله

يصبر عليه اللي مهتوي للبل

رغم النقص في مواصفات القعود إلا إن القعود مهوب ردي..


عسى الله يثمرك ويبارك لك

رد: هل يصلح القعود فحل

ماشاء الله تبارك الله
القعود عمقه طيب بالحيل بالحيل بالحيل
هده ولاهووب مخيب الرجاء