علوم السوق بأم رقيبه

السلام عليكم ورحمة الله وبركاته

افيدونا يا اخوان وش اوضاع سوق ام رقيبه بالنسبه للمجاهيم .

حركة البيع والاسعار ...

والله يرعاكم

رد: علوم السوق بأم رقيبه

أخواني نبي تفاعل في هالموضوع ,
لأنه مهم والموقع يعتبر مصدر مهم لأخبار الأبل ومزايناتها وأسواقها ,
..
أضم صوتي لصوت أبو احمد ونبي علومكم وعلوم السوق ,
في جميع ألوان الأبل ..

رد: علوم السوق بأم رقيبه

وأنا أضم صوتي لكم يالنشامى وابي أعرف متى ينتهي المزاين وفي تاريخ كم؟؟؟؟؟؟؟

رد: علوم السوق بأم رقيبه

ياليت يكون لهذا المنتدى مراسل من ام رقيبه يوافي المنتدي بالاخبار والاسعار ويدعمها بالصور

رد: علوم السوق بأم رقيبه

انا مع الفكرة ومع اخي نواف اتمنى يكون فيه مراسلين من ام رقيبه عن السوق والمشاركين لنقل اي خبر يخدم الابل واهل الابل من اسعار وغيره من الاخبار المفيده لهل الابل ..


اتمنى من الاخوة الاعضاء الكرام المتواجدين في المنطقه تزويدنا بالمعلومات عن المهرجان ومستجداته ....




اشكر صاحب الموضوع بيض الله وجهه..

رد: علوم السوق بأم رقيبه

بالنسبـه لتكليـف شخص معيّـن بتغطيـة المزايـن أو عدّة أشخـاص فهـذا شي طيّب ,

ولكـن حنـا نعتبر أن جميع الاعضـاء الكرام الذيـن يحملون عضويـة مزايـن ويتواجدون
بشكل مستمر في أم رقيبـه انهم مراسليـن للموقـع ,

وواجب عليهم المشاركه ونقل الصورهـ من موقع المهرجـان ,

خصوصاً سوق أم رقيبــه لأن القنوات الفضائيـه غفلـت عن هالجانـب المهـم !..


أما بالنسبه لسؤالـك يابن شافي
فاالحفل الختامـي لمزاين أم رقيبـه في أول شهـر 3 هجـري ,..



تحاياي للجميع

رد: علوم السوق بأم رقيبه

السلام عليكم ورحمة الله وبركاته ،،

أنا توني جاي من أم رقيبة قضيت فيها قرابة الأسبوع ..
المجاهيـم الكفوو أقيامها معروفة وماسكة أسعارها
اما المجاهيم البداوة نادر ما تشوفها بالسوق ولا أحد يسومها ولا أحد يعاين فيهاا وغير مطلوبة ،،

المغاتير : أسعارها طيبة للي يبي يشتري وللجلاب يمكن شوي تعومس فيه .. والحلال ماهو سوا فيه الفاخرة المزاين وهذي معروف أسعارها أما البداوة فالمغاتير نازلة والسوق هناك أكثر ما يمشي ... الخلفات المغاتير ... والضرايب البداوة الطيبة وأسعارها متوسطة وفرصة للشراي واللي يجمع له أبل
وســلامتكم

رد: علوم السوق بأم رقيبه

سلمت والله يالنفيعي علومك غانمه بيض الله وجهك خدمتنا واعطيتنا العلم الله يعطيك العافيه ...






دمت بحفظ الله ..

رد: علوم السوق بأم رقيبه

الحفل الختامي يابن شافي في 3/3