تضيير الحايل -- افيدونا

مساء الخير للجميع

عندي بكرة اربعت وهي ما لقحت

وكل سنة نظربها ولا عشرت

وديتها العام الماضي للمستشفى وقالوا سليمة

الشاهد انا افكر اضيرها

لعلها بعد الضيار تلقح

نبي شوركم لا هنتو

رد: تضيير الحايل -- افيدونا

الحل مهو بالضيار .. قلل عليها العلف ان كانها رادمة شحم بزيادة ...

واعطيها ابرة يسرة وضربها .. انا كان عندي السنة الا راحت نفس ناقتك .. الين اخر شي فكرت اذبحها

ومثل هل الايام ضربها البعير ولقحت من ربي مع اني سويت لها كل شي ممكن تتوقعوا وما لقحت الا هاذيك الفترة ..

والحين هل سنة متلي تلد بكرها وهي سدس ..!#

رد: تضيير الحايل -- افيدونا

اصبر عليها ان شاء الله راح تعشر الناقه راح يكتب الله لها عشار ان شاء الله

رد: تضيير الحايل -- افيدونا

الاخوان الكرام

الاخ معن

والاخ عادل

الف شكر على مشاركتكم

وبانتظار واحد سبق ان طبق الفكرة

رد: تضيير الحايل -- افيدونا

طبقتها في مجهم عندي قبل كم سنة وهي كانت سديس ولاقد أستالدت وبفضل من الله السنة اللي بعدها يسرت وأضربها الفحل وعشرت ولقحت وأنتجت

الضيار طبعاً ليس من الحلول الأولى الضيار خلها الحل الأخير

رد: تضيير الحايل -- افيدونا

هلابك اخوي

انا ارى ان الضيار حل لان الحوار يشخل الناقه ويخف حالها وبعده تلقح ان شاء الله

رد: تضيير الحايل -- افيدونا

شكرا اخ بدر والاخ تركي

والناقة العام الماضي واللي قبله كانت دون الوسط بحالها والسنة هذي حالها زين

ماهي سمين بالحيل