عطوني رايكم يااهل المغاتير

السلام عليكم ورحمة الله وبركاته
ابي اسمع رايكم في هالقعود المفرود وهل تتوقعون انه يصلح فحل والا لا
والقعود امه عندي وابوه بعير كان عندي وبعته
عطوني رايكم بصراحه
وهذي صور القعود وصور امه

السلام عليكم ورحمة الله وبركاته

القعود مبروك ماشاء الله

فيه قعدان واجد وعلي فحول طيبه ...... بس لا تروح لاهل القعدان الطيبه بمراحهم لانهم بيصلخونك حي ......

دور بالحراجات وبتلقا وانا حصلت كثير بسوق حفر الباطن منها مخاليل علي الفحل رمان وغيره علي اربعه وخمسه ويعطونك ورقه شرط انه علي الفحل الي هو عليه ومواري القعدان طيبه وتفحل .......

والله اعلم مني ومنكم

اخوي نواف
لاهنت على المرور
وبالنسبه للفحول هي توافيق من عند الله والله يرزقنا وياكم
لك تحياتي

تحيه

الاخ حوران

السلام عليكم ورحمة اله وبركاته

القعود مبروك ونسال الله ان يبارك لنا ولك

مواصفات القعود بكل صراحه ماهي مواصفات الفحل لا من ناحية شكله ولا من ناحية شكل امه

ورايي انك تشوف لك قعود غيره


اخوك المزحمي

اخوي المزاحمي
لاهنت على المرور

السلام عليكم ورحمة الله وبركاته :

بصراحه القعود وسط بس اذا لقيت احسن منه يكون افضل لانك تبغى انتاج طيب .

الاخ حوران

السلام عليكم ورحمة اله وبركاته

القعود مبروك ونسال الله ان يبارك لنا ولك

فيه من اهل المغاتير ابخس مني

القعود امه اطيب منه معناه اب القعود ماش رأيئ دور غيره من عند رجال ثقه لأن جميع القعدان اللي فالسوق على رمان والمجاهيم على وحيدان ومسربلان ودوينان ....................الخ