ناقة اتحير ؟؟!!!

اخي عبدالعزيز ولايهونون الربع
البرسيم الاخضر حق الشعره مضبوط ويسنعها ومجرب
هذا والله اعلم

سلام عليكم

مثل ما قالو الأخوان انا عندي ناقة على ضراب وكل ما جاها البعير وكرفها خلاها واذا سان له ناقة جاته وعضته وقالو البدو يمكن على شانه رابي معها وشافها الطبيب وقال لقحه و ولكن مابين عليها في بطنها ابد واخيرا صارت تهبده اذا صار يضرب ناقة ثانية
ويوم ضيق عليها بركة واضربها

الله لاهانكم جميع
وبيض الله وجيهكم

يا عبدالعزيز
صباح الخير

العجله من الشيطان الموسم على اوله ولا رايح يفوتك شيء وان كانك معزم تبي تعرف هل هي لقاحه والا لا فعليك ان تختار احد الحلين :
1) اذا عندك استعداد وبتصبر زود شهرين او ثلاثه بتبين معك مواري اللقاح من البطن والديد والخويرم وغيره هذا اذا ما ولدت ان شاء الله قبل وهذا الافضل طبعا المهم تنساها
2) واذا انها مشغلتك وتبغى تعرف اذا هي لقحه او لا فما يحتاج تجيب احد عليك باتباع الاتي :
- اعقل الناقه وفقرها واللبس دس بيدك (قلفز) وحط في يدك جل ( موجود لدى الصيدليه )
- ادخل على الناقه من مدمنها وليس من حياها بيدك بطول الذراع فقط ( الى المرفق )
- افرد كفك شيء بسيط وتحسس اللي تحتها بالضغط الى الاسفل بهدواء وان كان فيها لقاح بتلمس كرعانه وراسه

ولي ملاحظه هنا :
الناقه من تتعدى الستة اشهر يتغير بطنها وينزل ديدها ويبين عليها اللقاح وانت شاريها من سبع شهور فا المفروض انها تغيرت في الشكل وبينت عليها مواري اللقاح واذا لم يتغير شيء بها من شريتها فا الظاهر ان الناقه ما فيها لقاح والله يعوضك وساعتها دور لك احد يدخل عليها ويكون رجال فاهم

وتقبلوا تحياتي