تمام بعير انتاج ام بعير كشخه (بانوراما)

الاخ خالد السيف
اتفق معك بان البعير النادر هو من يقلب شكل البل بدرجة كبيره وينتج البكار المزايين من الامهات العاديه ولكن وبكل صراحه لم اسمع عن هذا البعير حتى الان ولم اشاهده وان كان احد الاخوان يعرف بعير من ها النوع يذكره لنا لتعم الفائده .
لانه علميا لا يمكن حدوثه لان الجنين لابد ان ياخذ من جينات الاب والام في سائر الكائنات الحيه وليس فقط الابل ولكن الله على كل شيء قدير

الاخ محمد الطهيمي
للاسف ليس لدي اي جواب على تسائلاتك

شكرا لمشاركة الجميع
وتقبلوا تحياتي

مرحبا بالجميع
مرحبا يبو عبدالعزيز
انا ماني راعي وضح ولكن الي اعرفه ومعروف عند هل البل
انا اغلى بعير في الجزيرة العربية هو بعير القحطاني الو وهو تمام
حيث سمعنا انه وصل ايام مزاين نوفا الى 25 مليون من الامير سلطان الا اني سمعت هذا وانا ابرى الى الله وفي ذمة راعيه ومع هذا فراعيه رفض والله يوفقنا وياه ويذكرون راعيه بالخير
اما الشكل فلا فيه كلام من وجهة نظري اما انتم ابخس مني في الوضح
وانا مع كلام اخوي عبدالرحمن بخصوص الم لها دور في الانتاج
وليس شرط الفحل بس ولا كان ماشفت الانتاج يفرق واحد ياخذ الاول والثاني والثالث فهي مستويات والاصل يالربع له دور
كان عندنا بعير مجهم متوسط بالزين ولا هديناه عندنا وهادين بعير ثاني انتاجه شي يصيب وشي يخيب يعني حسب الام المهم جا واحدن من الربع وهده في ابله وكانت ابله اقل من الوسط وانتج عنده انتاج فظيع مقارنة بابله
والله واروح واخذ البعير من عنده واهده في ابلي بعد ماشفت انتاجه عند رفيقي وهو ابله عادية جدا والله يوم جا الصفري واهده في الخلفات طيبها وتلقح عليه 11 والله ما قنينا من هال11 من انتاجها يعني الا بكرة وحده خليناها من غلى امها وظهرت طيبة
بالنسب

مرحبا بالجميع
مرحبا يبو عبدالعزيز
انا ماني راعي وضح ولكن الي اعرفه ومعروف عند هل البل
انا اغلى بعير في الجزيرة العربية هو بعير القحطاني الو وهو تمام المذكور الي اشترا الامير عبدالعزيز بن فهد حوار عليه من ابل القحطاني بمليونين ونص
حيث سمعنا انه وصل ايام مزاين نوفا الى 25 مليون من الامير سلطان الا اني سمعت هذا وانا ابرى الى الله وفي ذمة راعيه ومع هذا فراعيه رفض والله يوفقنا وياه ويذكرون راعيه بالخير
اما الشكل فلا فيه كلام من وجهة نظري اما انتم ابخس مني في الوضح هذا والله اعلم بما يخص تمام
اما انتاج الفحول بشكل عام فانا مع كلام اخوي عبدالرحمن بخصوص الام لها دور في الانتاج
وليس شرط الفحل بس ؟؟ولا كان ماشفت الانتاج يفرق واحد ياخذ الاول والثاني والثالث فهي مستويات وهي من نفس الفحل والاصل يالربع له دورعلى سبيل المثال ابااذكر لكم قصة صارت علينا
كان عندنا بعير مجهم متوسط بالزين ولا هديناه عندنا وهادين بعير ثاني انتاجه زين يعني حسب الام المهم جا واحدن من الربع وخذاه عارية وهده في ابله وكانت ابله اقل من الوسط وانتج عنده انتاج فظيع مقارنة بابله
والله واروح واخذ البعير من عنده واهده في ابلي بعد ماشفت انتاجه عند رفيقي وهو ابله عادية جدا والله يوم جا الصفري واهده في الخلفات اطيبها بعدوتلقح عليه 11 والله ما قنينا من هال11 من انتاجها يعني الا بكرة وحده خليناها من غلى امها وعاد بين زينها يوم كبرت والباقي صرفناها في السوق
وكان البعير اصله طيب لكن انتاجه من اطيب ابلنا مقاصب اما الابل الردية ينتج شي وهذي عند قصيرنا
قعود مسيوم يوم هو مفرود بمية الف
وبكار على سبعين وخمسين
لدرجة انا شرينا بناته حيران من قصيرنا 3 على 15 الف 15 الف الوحدة وحلف من قيمتهن وحلفنا عليه بالبعير
والله الي يرزق
ياخي كلها توافيق
وسبحان الله

اخي ابو عبدالعزيز

هلابك ويعطيك الف عافيه

تمام فحل منتج ولافيه كلام وانتاجه معروف بالزين والشكل الواحد

ومافيه من انتاج تمام اللي يروح قصاب غير ان بعض الناس مايصدقون

والآن فيه تمام ولد تمام ايضاً عند هيف يفوق انتاجه انتاج ابوه من ناحية الزين والمواصفات

وابو تمام ايضاً معروف وهو من ابل اصل وفصل ومعروفه عند الناس جميعاً....

اخي ابو سعود
صبحك الله بالخير وجميع الاخوان المتواجدين

حسب علمي ومتابعتي للكثير من فحول المغاتير
فأن اكبر عيال تمام توها تثنى ، يعني العام الماضي اول ضرابها و البل لقحات عليها ولا هي واجد ولا بعد شيف طرحها لا عند هيف ولا غيره
فهل هذي المعلومه صحيحه ؟ ارجوا التوضيح ان كان لديك اي معلومات تختلف عما اعرفه مشكور

وتقبلوا تحياتي

اخي ابو عبدالعزيز

مرحبا مليو و و و ن

انا سمعت وماشفت واللي سمعت ان القعود اللي فاز بالمركز الاول العام في نوفا انه انتج وانتاجه خيالي.. وهي حيران الآن وكانت مع ابل هيف في ام رقيبه لاكنهم يقولون حيرانه لاتوصف..

واذا كنت متابع يابو عبدالعزيز مانقول شيء ولعل ماقيل ليس بصحيح..

تقبل فائق تحيتي

يا هلا ومرحبا فيك يا ابو سعود

شكرا للتوضيح ، وهذا كلامي ان حيران ها السنه هي اول انتاج عيال تمام
اما فيما يختص بالحيران اللي في ام رقيبه ها السنه فاعتقد انها توصف بـ (حيران طيبه)
من جنس المفاريد والحقايق ما فيها شيء زود حسب ما شاهدت على الطبيعه

وتقبلوا تحياتي

فاذا كان فعلا هذا انتاجه فهو بدون ادناة شك يستاهل الدعايه ويستاهل كل المدح ولا اعتقد بان له منافس في الانتاج

ابد هذا انتاجه وتمام بعير كشخه وبانوراما بعد

لكن وش أصل الفحل تمام

اللي يعرف يفيدنا !!!

اخوي عبدالرحمن بن عبدالعزيز تلقا انتاج تمام عند رجال جنوب ام جرف باربعه كيلو واذا عندك شي من البل تبي تضربها عنده ترا الرجال ماهوب يقصر

موضوع رائع اخوي ابو عبدالعزيز

وتمام على اسمه مثل ماذكرو الأخوان

وان كانك انت شفت ابل هيف مافيه شك الرجال شاري ومدخل على ابله

لكن يمكن انت مالمحت انتاج البعيرر ترى اكثره دق وعزالله مافيها حكي

هذا انا اللي شفته

والبعير يكمل الحكي عنده وعفاك

تحياتي