كيف نعمل حتى يستطيع الفحل التمييز بين الناقة المعشر من المجسر؟؟

السلام عليكم ورحمة الله وبركاته، وبعد:
مساكم الله بالخير عندي سؤال وأتمنى من أهل الخبرة فقط الإجابة عليه ؟؟
عندى فحل ثني وتوه ملقح هالسنة أربع بس المشكلة إنه ما يكشف على الناقة المجسر من المعشر ؟! لو نفكه على ناقة معشر بيضربها لأنه ما يشم ولا يفحص ولا يكشف؟! بعد يمكن لو نفكه على لقحة بيضربها؟!
وش الحل وش العمل حتى نخلي الفحل يستطيع التعرف على المجسر من غيرها كيف نخليه يتعلم ويفحص ويكشف؟؟
وشاكرا ومقدرا لكم تجاوبكم في هذا المنتدى المبارك ودمتم بخير وعافية.

فكه مع البل ولاعاد تربطه لانه من الحكر مايصدق تفكونه وتعود انكم ماتفكونه الا عشان يضرب

واذا عرف انه ماهو مربوط ماراح يضرب الا الناقه الميسر باذن الله


وسلامتك

ربط البعير وعزله عن البل هو السبب الرئيسي

جزاكم الله خيرا
والله صدقتم دايما حابسينه في الحوش

مع اقتراح الاخوان

اتفق مع ما قاله الاخ راشد العرق

البهائم بدون استثناء حسب تطبيعها وعلى ما تتعود عليه
اما من ناحيه الشم والعرف فهذي موجوده لديه بالفطره
الموسم على اوله وفرصه لتبداء بتغيير ما تعود عليه سابقا

كما احب ان انوه الى فك البعير في امهاته له من الفوائد الكثير و صحيا فك البعير افضل بكثير من ربطه بس خل معه راعي صاحي لا يبلش ابل خلق الله ثم يدعون عليك الناس

وتقبلوا تحياتي

اتفق مع ما قاله الاخ راشد العرق

البهائم بدون استثناء حسب تطبيعها وعلى ما تتعود عليه
اما من ناحيه الشم والعرف فهذي موجوده لديه بالفطره
الموسم على اوله وفرصه لتبداء بتغيير ما تعود عليه سابقا

كما احب ان انوه الى فك البعير في امهاته له من الفوائد الكثير و صحيا فك البعير افضل بكثير من ربطه بس خل معه راعي صاحي لا يبلش ابل خلق الله ثم يدعون عليك الناس

وتقبلوا تحياتي

ما نزيد شئ على كلام الاخوان سبقونا الله يعطيهم العافيه

يعني بقيد ولا بدون قيد

مازيد على الربع اللي قدامي

لاكن قبل وقت الهداد او اوطلوع سهيل قصر قيده وفكه مع الابل وخله يسرح معه وبالفطره سبحان الله يتطبع

الرباط عمى الفحل



فكه يامال العافية



والأخوان كفوا ووفوا

الاخ فالح
تسئل اذا فك البعير بقيد والا بدون
انت موجود في البر والبعير بارك الله فيك ما يفك في المفالي بدون قيد علشان ما يشغل خلق الله ويضرب ابلهم او يتذابح مع بعارينهم
هده بقيد وقصره بعد مثل ما قال الاخ حمد الغواص

وتقبلوا تحياتي

انا ما عندي زيادة على ردود الأخوان ولكن حكر البعيــر في الشبك خطاء لانه يتضايق ويتعود انه ما يفك إلا لضراب فما عاد يميز من الحكر اذا اذافكيته اضرب اللي قدامه

لكن فكه مع البل بقيده او اربطه من ظهور سهيل في شبك البل

جزاكم الله خيرا ما قصرتم وبيض الله وجوهكم