بكره مارامت حوارها

السلام عليكم ورحمة الله وبركاته
عندي بكره ولدت ولا رامت حوارها ارجو من
اهل الخبره افادتنا ولكم منا جزيل الشكر

الاخ مبارك


ليش ما تضيرها

وايضأ فيه طريقة التخدير وهذه خطره حيث لازم تكون تحت اشراف طبيب( مجررررب)

ولكن اشبك البكره في شبك لوحدها ومعها حوارها وحاول ترضعه منها بإستمرار

وفي الليل وخ وخ علاهااا لاجل تخاف وبإذن الله بنركبه ودر عليه

انا قلت اشوف لي طريقه قبل التضيير
لعل تنفع معاها وانا حطيتها بشبك
هي وحواراها والى الان مارامته0
وشاكر لك يامهنا وبارك الله لك في حلالك
ومالك

أرحب يامبارك


شف وأنا خوك إن كان لها مدّة من يوم ولدت وهي نافر فلاعاد معك إلا التضيير وإن كان الناقة لها من اليومين إلى الثلاثة أيام فأشبك الناقة مع أحوارها في شبك ضيّق يادوب تمشي فيه خطوتين ويكون مربع وخطمها وقيّد رجليها وهي بتروم بإذن الله 0 وأنا مجرّب هذا الشئ وخصوصاً إذا كانت بكر بإذن الله ماتطول 0 والله يعطيك منها ولا يحرمك



أخوك شجاع الأكلبي

حياك ياشجاع
ابجرب طريقتك والله يوفق
وشاكر لك والله يبارك لك بحلالك ومالك ويوفقك

مع كلام الاخوان

مع كلام الاخوان

شاكر لك مرورك يابن شريه ورأيكم يهمني وابشركم رامته
باليوم الثالث شبكتها وحوارها بشبك وبالليل روعتها
والحمدلله يرضع وماعنده خلاف 0
واشكر كل من مر على الموضوع
بارك الله لكم بحلالكم 0