الخلفة

يا اخوان عندي خلفة اذا بغيت احلبهااا تلتفت للي يحلب وتعض
اللي عندة طريقة مجربهااااااا يفيدنا

مرحباً أخوي محمد



أفضل طريقة جربتها للناقة اللي تكلخ بالجرة ولا تعض ( التراب في وجيه اليهود ) تصيّد لفمّها لافتحته بتعض وحثه بالتراب مرتين ولا ثلاث وبتتوب من هذه الطبيعة بإذن الله أنا مجربها


آمل أن قد أفدتك

الاكلبي شكرا لك يا غالي

انا أقول مثل ماقال الاكلبي

وازيد حط لها خطام و اخطمها

اذا كانت ما هيب غالية

شجاع وحمد عطوك وسيلتين جربها

سلام عليكم
اذا تقدر تمسك خشمها اذا ردت راسها فمسكه وصدقني ما عاد ترد راسها والثانيه مثل ما قالوا الربع التراب في وجه العدو العدو

السلام عليكم
ياخي اظن اني ادليت بدلوي لكن ماشوف مشاركتي.
المهم كل ماجيت تحلب جب معك كيسة خبز الله لا يهينك او بقايا الخبز من البيت (حاول توصي على الخبز لا حد يحذفه. حط له مكان مخصص للتجميع) وخل معك حد يوقف وهو مقابلها والى جيت تحلب خلة يبدأيعطيها وحدة ورا الثانية. وبإذن الله مع الوقت ولاهو بالطويل بتخلي عادتها.

صبحكم الله بالخير جميع
أنا مع العرق في رايه وترا الحك للخلفه والخبز يطيح إللي في راس الناقه

السلام عليكم
ياخي اظن اني ادليت بدلوي لكن ماشوف مشاركتي.
المهم كل ماجيت تحلب جب معك كيسة خبز الله لا يهينك او بقايا الخبز من البيت (حاول توصي على الخبز لا حد يحذفه. حط له مكان مخصص للتجميع) وخل معك حد يوقف وهو مقابلها والى جيت تحلب خلة يبدأيعطيها وحدة ورا الثانية. وبإذن الله مع الوقت ولاهو بالطويل بتخلي عادتها.

مع العرق الخبز يطيح اللي براسها ويهدي طبعها

صباح الخير يا محمد

وانا مع العرق والخبز زين للخلفه النحوس

والمطيه الي ماهيب وثله

الاخوان جميعكم لا هنتو ومشكورين مشكورين علي المشاركة

انا عطيت الخبز لبكر عندي نحوس وفعلا طاح اللي في راسها بس الان لازم يوقف قدامها واحد لو ما يعطي شي ولا بتسير وبتقمص

صادق يا محسن بعض الخلفات طبعها شين ولازم واحد يقف قدامهاااا يطعمهاااا خبز

انا كان عندي ناقة ما تداني احد يحلبها وتعض حوارها وتعض اللي يحلبها

لكن تقربت منها وكل ما شفتها عطيتها خبز

والحين حتى الورعان يحلبونها وما تقول شي

وانا ضد الخطام والتراب الا اذا ناقة ناقة بيع

التودد يخلي الناقة تحب راعيها وما تعضه