عطونا الحل

السلام عليكم .......مساكم الله بالخير
عند خلفة والد لها عشرة ايام وطبعها شين ترمح اذا جيت احلبها ترمح فقيدت رجليها والحين احلبها وتحاول تهبد بيديها وش الحل

وجزاكم الله خير

ذا الرابط يفيدك

http://www.mzayan.com/vb/showthread.php?t=6106

واذا حبيت الناقة وحكيتها وعطيتها خبز وعرفتها على صوتك كلمها وانت حلب وما تقول شي

الاخ وليد صبحك اللة باالخير ناقتك لا تستعجل عليها ولا تقيد رجليها قيد الرجل يضعف حالها وحوارها توه خل احوارها لين يتعدل شوي بعد ثلاث اسابيع من ولاده وفي هذي الفترة ابدا تحك لها وتعطيها التمر بيدك والخبز وتصوت لها وتحاول تمسح ديدها لين تقارد وعقبها هي الي بدورك علشان تحكلها وبتهدا مع الايام وسلامتك

وعليكم السلام ورحمة الله وبركاته

كانت عندي نفس مشكلتك يالتميمي من مدة شهر تقريباً وحليتها بكل بساطه بواسطة الخبر وقت الحلاب أطعمها بيدي والراعي يحلبها وأول الأيام قيد رجلها وضيق القيد و كل يوم وسع القيد شوي لين تستغني عنه ( القيد وقت الحلاب فقط ثم فكه ) وألحين الحمد الله تحالب من دون قيد ولاتنسى تعلم الراعي يدعيها ويمسح عليها ويطعمها بيده ويعلمها على الصوت لأن هذا الشي بيريحك في تعاملك مع الأبل كثير

أتمنى أني أفدتك ولا تنسانا من الدعاء

أخوك / أحمد البوعينين التميمي

الاخ منصور

الاخ خالد

الاخ احمد

بارك الله فيكم وما قصرتو الله يحرم وجوهكم عن النار

السلام عليكمورحمةالله وبركاته
النحوس اللي من حينها وهي نحوس ماعليها من الحك ولا شي بتظل نحوس
لكن اذا هي بكر يمكن ينفع معها بعض الحكحكه
وعلى العموم انت جرب وعلى الله
تحياتي

الاخوان ماقصرو
واذا ما نفع معها الطيب قيد يديها مع ارجيلها لين يهديها الله ولا عاد تسوي شي

الاخ عبد الرحمن المقباس
الاخ راشد العرق

بارك الله فيكم وحرم وجيهكم عن النار

مقدر اقول اكثر مما قيل الاخوان بارك الله فيهم وجزاهم الله خير جدا متعاونيين مع الموضوع وعطونا تجاربهم

الاخوان كفوو ووفو

الاخ محمد
الاخ عيد
حياكم الله واشكر لكم مروركم