الرحول

يا اخوان اليوم رحت سوق الابل وشريت ناقة حايل سودانية بيضاااا الناقة تخاطم وطبعهاااا زين لكن اذا حد ركب علي ظهرهاااا ماتمشي تناحس علما ان الناقة كبيرة سن فويطر .
الناقة ابيهااا رحول اللي عندة نصيحة يقدمهاااا لا يبخل علينااا

اخوي محمد الفويطر الظاهر ان مافيها حيلة

اذا يمديك ترجعها على راعيها فافعل وان كانه ما يمديك فيها كلام ثاني
لان الرحول وانا اخوك ودك تكون جاهزه ما عاد يبيلها عبالة والشبب افضل
من الفاطر
والله يوفق الجميع.

مع راي الاخوان

الرحول اذا كانت عاصيه ما منها فايده وحتي لو عسفتها اللف مره ما يتغير شي فيها

اخذلك رحول من السوق واركبها انت ومشها يمين يسار وهججها وحد عليها واخطم عليها

وبالك من الرحول الي عند السودانيين الي حاطين فيها غزاما بخشمها ويقولك تهديها ابعد عنها

الفطير مثل البعير الهرش ما يهدي ولا يغير طبعه دام انت ما مسكته من صغره وعوته على ما انت تبي

ومثل ما قالو الاخوان ابعد عن الفطير لا بتشيلك ولا بتلحق عليها نياقك

هي يالله اتشيل نفسها

يامحمد ترا عسف الفاطر كنه زواج العجوز وأنا أخيك

على ما قال اخوي حمد

وإذا تقدر اخوي محمد

ترجعها وتشوف لك رحول شبب

اخير لك من الفاطر الله ويوفقك ليما يحب ويرضى

السلام عليكم

اخوي اذا تقدر تردها لراعيها ردها

واخذلك ناقه توها شبب بكره جذعه ولا ثنيه تقدر تعسفها

وتطوعها او تاخذها معسوفه على الشرط

تقبل تحياتي

ماقصروا الأخوان أجابوك



إن كانك تعرف راعيها وهوشارط لك إنها وديب فرجعها له ولاتتعب مافيها حيلة أبد إلا أن يشاء الله غير ذالك 0؟



تحياتي للجميع

مادام ذا طبعا وهي فاطر فما اظن انه بيزين

شفلك غيرها وانا اخوك واحسن تشوف لك رحول شبب

ولا عد تشتري الفطر

الاخوان جميع الله لا يهينكم وماقصرتو ويشهد الله ان كلامكم صحيح
انا فعلا رجعت الناقة لاني شاريهااا علي الشرط شرط انها تكون رحول واديبة ولكن يوم جبتهاااااا تغير الكلام وفعلااا رجعتهااا لان اللي اولة شرط اخرة نور .
انا ناوي اشتري لي بكرة سنهااا صغير ووديهااا عند سوداني يعسفهاااا علي الشرط
ولكم كل الاحترام يا اخوان