يا الربع وش الحل مع البكر

يا الربع وش الحل مع البكر
ولدت ووقفت على الحوار وكرفته ولكن ما تخليه يرضعها
واذا مسكناها عليه باللقام خلته يرضع لكن ما تعطف
واذا فكيناها تروح من حيث ولدت
هل تنصحون بالضيار والا وش اسوي معها.....

قبل الضيار حطها في شبك مع حوارها وحاول تبعدها من الحلال ولكن لازم تراقبها لا توجع حوارها وان كان مالها فيه عين ضيرها ولا تستعجل الين تشس الناقه يعني حول الاسبوع.

الناقة مروعة للحوار ولا هي بجافل منه لكن لامنه قرب ديدها جاها بلا

هذي ياحمد رايم براسها فقط والعاده يضيرونها ولكن جرب الشبك وان مانفع مالك اللا الضيار ويكون الضيار بس من ورا فقط ولا تلمس وجهها والبل مهي بسوا بعضها انثى ومبروكه وبعضها عسر وانتبه من الرباط او الضيار دام الناقه شايل لانه خطر على وروكها.

وانتبه من الرباط او الضيار دام الناقه شايل





ممكن توضح لي معنى شايل

وبيض اللة وجهك يا علي على تفاعلك مع الموضوع

شايل يعني في اسبوع الولاده الاول وبعد ذلك تشس الناقه او تجس اي تشوف منطقة الخويرم اللي حول الذيل رجعت لوضعها الطبيعي
وحاضرين للطيبين.

لاتستعجل بالضيار مادامت بكر اصبر عليها اسبوع
وخلها بشبك صغير هي والحوار بعيد عن البل
وحاول بالحوار يرضع منها0

علي
مشكور على التوضيح
مبارك
مشكور على المرور
وبيض الله وجيه الجميع