البعير شكل والا اصل (؟؟؟؟؟؟؟؟؟؟؟)

[align=center]السلام عليكم ورحمة الله وبركاتة
يالربع معروض على قعود جذع ابوه مبيوع بسعر 3 مليون واختة من امة وابوه مبيوعه بمئة الف وامة فوق المتوسطة والقعود لامشي يخايل السما سناد ورقبتة تلا القعود كل مافيه وسط الا لحية قصير بالحيل وانا اتوقع انه عيب خلقى اما خشمة طيب وقمة راسة كبيرة وش رايكم آخذه وقيمتة موافقة [/align]

اذا قيمته موافقه بالحيل اخذه يمكن يكون من حظك والموفق الله
سبحانه وتعالى
ان لقحت والا ماضرها الجمل,,,

الله يجزاكم خير

الله يوفقك واذا على قولك قيمته موافقه اتكل على الله سبحانه والله يباركلك ان شالله

عبدالله

القعود اصل وشكل

يعني الاصل مطلوب وضروري ولاينفع الزين اللي اصله ردي فكانه عشبة الدار (المراح) تلقاها كبيرة وخضرا وزينة ولكن تربتها ردية

والشكل ايضاً مطلوب فكون شكله ردي دليل على وجود اصل ردي ربما يكون بعيد ولكنه لحق

ولك خالص التحية

مع مبارك المري

الاخ/ عبدالله

عليك بالقعود مثل اللي في توقيع مبارك المري

شكل واصل
*****

ويا ليت ينقل الموضوع لقسم الاسئلة والاستشارات

القعود اذا اقرم فهذا عيب خلقي ويجي في كثير من الابل واذا سعره
مناسب اشتره وترى نص بناته على امه والفحل فالغالبيه اصل
اسئل مجرب .

ممكن تنزل صورته حتى نشوفه

بالنسبة لي الشكل مهم لان العالم تنظر للشكل اكثر

اغلب الفحول الطيبة اشتهرت بشكلها و صار لها اصل

اذا كان سعره زين اشتره وجرب ترى التجربة خير برهان

تحيه

الاخ عبدالله

البعير طال عمرك اذا كان فيه ثلاث اشياء هو الفحل الصحيح

الاولي :الاصل
الثانيه:الانتاج
الثالثه:الشكل

وقليل من البعارين ماتجمع فيه الاشياء الثلاثه


واما القعدان احرص على اولا الاصل وثاني شي الشكل

واذا كان القعود اللي ذكرت ان ابوه مبيوع بقيمه غاليه
واخته من امه وابوه بيعت غاليه .يعني ان امه بطنها طيب


وسرعه مناسب اشتره وتوكل على الله

المزحمي

مع راي اخوي مبارك المري

ياليت تحط صورته على شان نشوفه

الله يكتب لك اللي فيه الخير

مع مبارك المري

مع الأخ مبارك والله يكتب اللي فيه الخير

الله يوفقك واذا على قولك قيمته موافقه اتكل على الله سبحانه والله يباركلك ان شالله